حنان مفيد فوزي: انتظرت الحمل 15 سنة.. والأطباء خيرّوني بيني حياتي وابني
كشفت الكاتبة الصحفية حنان مفيد فوزي لـ برنامج كلم ربنا مع أحمد الخطيب على الراديو 9090 كواليس قصة إنسانية عاشتها قبل 10 سنوات، وكان لها تأثير كبير في حياتها.
حنان مفيد فوزي تروي تفاصيل أصعب أزمة إنسانية مرت بها
وقالت الكاتبة الصحفية إنها تعرضت لأزمة إنسانية صعبة بعد إنجابها ابنها الوحيد شريف، حيث انتظرت 15 عاما بدون إنجاب ولجأت في النهاية للحقن المجهري.
وأضافت حنان أنها استبشرت كثيرا بنجاح عملية الحقن المجهري وحملت في ولدين تؤام، وكان أحدهما اتخذ وضع السجود داخل الرحم، وقررت وقتها أن تسميه ساجد لشعورها أنه يسجد من أجلها ويدعو الله لها.
وتابعت حنان مفيد فوزي قائلة إن أحد الطفلين توفي في الشهر الثامن، وفي الشهر التاسع تدهورت حالتها الصحية وحالة الجنين الثاني وقرر الأطباء وقتها إجهاض الجنين لخطورته على حياتها.
وأوضحت: الأطباء خيّروني بين حياتي وحياة الجنين وقالولي حياتك أو حياته وقلتلهم هختار حياته أنا مش مهم.. لكنهم رفضوا.
وأضافت: ساعتها كلمت ربنا وقولت له أنا اخترت حياة الولد ومش هقدر اختار حياتي أنا.. فيا رب تقدرني على الاختيار الصعب دا.
وأردفت: الحمد لله ربنا معرضنيش لموقف أكبر من قوة احتمالي، لأن الأطباء وقتها هما اللى قرروا إن الجنين ينزل لأن حالته الصحية أسوأ من حالتي.
وأكملت حنان مفيد فوزي حديثها قائلة: أنا بكلم ربنا في كل لحظة، لكن فيه مواقف معينة بنحتاج فيها إجابة واستجابة من ربنا.. ولو الإنسان صالح من جواه وروحه شفافة أكيد ربنا هيوصل له الرسايل بطريقة معينة، والشفافية اللى عند هذا الإنسان هتساعده يقرأ الرسايل دي ويلتقطها ويعمل بها ويعرف ربنا عاوز يقول له ايه، وأنا طول الوقت بستني رسايل ربنا عشان أسمعها.
