أحمد العوضي في أبرز تصريحاته: سلوى عثمان صفعتني أول قلم ليا في الدراما.. وأمي ماتت وأنا صغير فمحستش بالحنان
كشف الفنان أحمد العوضي العديد من أسرار حياته، خلال حلوله ضيفًا على الإعلامية فاطمة مصطفى في برنامج الراديو بيضحك، حيث تحدث خلال اللقاء عن النجاح الكبير الذي حققه في مسلسل حق عرب، هذا بجانب حديثه عن صفعة سلوى عثمان له في إحدى حلقات المسلسل، بالإضافة إلى سبب تقديمه مسابقة جديدة للجمهور عن مسلسله الجديد، ورأيه في بعض الانتقادات التي وجهت له، وغيرها من الأمور.
ونستعرض لكم أبرز تصريحات أحمد العوضي مع فاطمة مصطفى:
ـ أول مرة أتضرب في الدراما كان على يد سلوى عثمان في مسلسل حق عرب.
ـ مسلسل حق عرب بالنسبة لي لسة مبدأش.. مفيش حاجة الناس تتوقعها هتحصل.
تصريحات أحمد العوضي مع فاطمة مصطفى
ـ البرومو والتتر دخل في 22 مليون مشاهدة قبل طرح المسلسل.. فبعدها فكرت في مسابقة كبرى لأخواتي.
ـ معملتش مسابقة بهدف الدعاية.. ومن غير المسابقة كنت راكب التريند، ولكن لو بعمل دعاية هل بنفع الناس ولا بضرهم؟!.
ـ ممكن أخد الفلوس وأحطها في دعاية وأبقا صرفت فلوس في الأونطة، طب ما الناس دي أولى بيها هما كدة كدة هينجحوني.. زي السنين اللي فاتت، الناس في ضهري من غير المسابقة، ولو هي دعاية يا ريت كله يعمل زيي.
ـ أكلت لحمة راس بجد في المسلسل.. كانت حلوة وجاية سخنة.
ـ لما نزلنا البرومو الطفل منذر زعل مني، وقالي الناس بتتفرج علشاني، إزاي مليش لقطة في البرومو؟!.. قلت له لما تكبر وتكون نجم هاتني معاك.
ـ عرب هياخد حقه في الحلقات القادمة.
ـ في أزماتي الأخيرة الشائعات طلعت عليا من دافع الحب.. وإحنا بنعمل الأصول.
ـ أمي ماتت وأنا صغير فمعشتش المشاعر دي ومحستش بحنان الأم.
