تصريحات مثيرة لـ علي جمعة اليوم: البوركيني أحسن من البكيني والولاد عندهم حجاب برضو
توجهت طفلة بسؤال إلى الدكتور علي جمعة، مفتي الديار المصرية السابق، حول شروط ارتداء الحجاب من أجل أخذ الأجر الكامل ولكن غير الحجاب الشرعي؟.
طفلة تسأل عن شروط الحجاب؟
وأوضح الدكتور علي جمعة، مفتي الديار المصرية السابق، خلال حلقة برنامج "نور الدين"، المذاع على قنوات الشركة المتحدة، اليوم الجمعة: أنا مش فاهم ايه الحجاب غير الشرعي، لكن الحجاب لازم يكون لا يصف لا يشف لا يكشف، تعملهم بقى زي ما هي عاوزة بأي نوع لبس.
وقاطعت الطفلة الشيخ قائلة: فيه بنات بتلبس بنطلونات واسعة هل دي تنفع؟.
وأوضح مفتي الجمهورية السابق: لما سألوني زمان وأنا في الجامعة عن البنطلونات المقطعة واللي مش مقطعة، قولت لهم أنا مش ترزي عشان أقول إيه ينفع وإيه مينفعش، أنا بقول الأهم إنه لا يصف، لا يكشف، لا يشف.
وأجاب الدكتور علي جمعة، على سؤال طفلة حول ليه احنا نتحجب والولاد لا؟، قائلا: البنات جمال والولاد مش جمال، فلازم يتحجبوا، ربنا خلقك جميلة وفاتنة ويا أرض اتهدي ما عليكي قدي، فربنا قالك علشان منعملش دوشة اتحجبي.. فبقيتى أكثر جمالا وبهائا، فربنا قالك الجمال ده بتاعك انتى، وامرك بيدك انك تتحجبي أو لا، والولاد عندهم حجاب برضوا بس من السرة إلى الركبة.
ينفع أتعامل مع زميلتي غير المحجبة؟
وعلق الدكتور علي جمعة، مفتي الديار المصرية السابق، على سؤال طفل حول لو زميلتي ليست محجبة اتعامل معها ولا لا؟، قائلا: أتعامل معها ايه المشكلة، وسيدنا جعفر الصادق لما دخل بلاد ما وراء النهر، كان كل النساء ليسوا محجبات، بحكم أن الإسلام دخل قريب، والستات مش ملتزمين بالحجاب.
وتابع: سيدنا جعفر الصادق، لما الناس سألوه نعمل ايه ونغض البصر إزاي، قال عادي نتعامل معهن ونغض البصر قدر المستطاع، ونتعامل معهم عادي من قبل المودة المأمورين بيها بين المؤمنين.
علي جمعة: الحجاب فُرض في سورة الأحزاب
ورد الدكتور علي جمعة، مفتي الديار المصرية السابق، على سؤال حول ما الدليل على فرض الحجاب؟.
وأوضح الدكتور علي جمعة: الدليل موجود في سورة الأحزاب وربنا خاطب سيدنا النبي صلى الله عليه وسلم، في سورة الأحزاب وقال قول لأزواجك ونساء المؤمنين يبقى كل نساء المؤمنين، وهذا فى قول الله سبحانه وتعالى: ( يا أيها النبي قل لأزواجك وبناتك ونساء المؤمنين يدنين عليهن من جلابيبهن ذلك أدنى أن يعرفن فلا يؤذين ).
وأضاف: كمان الدليل في إجماع الأمة يعنى كل الأمة فهمت كده، زي ما اللمة فهمت ليه اتوضا قبل ما اصلى، ونص الآية متفق عليه.
وتوجهت فتاة بسؤال إلى الدكتور علي جمعة، مفتي الديار المصرية السابق، حول أن النقاب بيستخدم فى السرقة فهل هو فرض مثل الحجاب؟.
وأوضح الدكتور علي جمعة: النقاب ليس فرضا، ولما السيدة المنتقبة تروح الحج أو العمرة بتكشف وجهها، لأنه ليس فرضا، لكن الحجاب فرض فالصلاة تدل على فرضية الحجاب وليس النقاب، فيه بنات كثيرة مش محجبة ولما بتيجى تصلى بتلبس حجاب ليه علشان تبقى صلاتها صحيحه، هي عارفة هنا إن الحجاب فرض فلازم يتم ارتداءه لما تصلي.
