أول تعليق من نجل حلمي بكر عن تصريحات مصطفى كامل: هنام ضميري مرتاح بأن والدي فخور بي
علق هشام نجل الموسيقار الراحل حلمي بكر، على التصريحات الأخيرة للفنان مصطفى كامل نقيب المهن الموسيقية، الذي أدلى بها في أحد البرامج التلفزيونية، حيث أكد أن هشام كان متواجدًا في زيارة إلى مصر، ولكنه لم يسأل عن والده.
ورد هشام في تصريحات خاصة لـ القاهرة 24: أنا مليش تعليق علي الكلام ده، اللي عايز يصدق كلامه يصدق، أنا اتكلمت عن التفاصيل سابقا، وخلاص خلص وقت الكلام والإدعاءات لأنه مش هيرجع بابا ولا هيغير حاجة.
وتابع نجل حلمي بكر: اللي عايز يزعل مني ويصدق هذا الكذب، يبقي حلال عليهم، أنا هنام النهاردة بضمير مرتاح، وعارف إن والدي فخور بي.
مصطفى كامل عن حلمي بكر: ابنه كان في زيارة لمصر ومسألش عنه
وفي سياق أخر كشف مصطفى كامل، أن قبل رحيل الموسيقار حلمي بكر كان نجله هشام كان متواجدًا في زيارة إلى مصر، ولكنه لم يسأل عن والده.
وقال مصطفى كامل خلال تصريحات تليفزيونية:كنت واخد عهد على نفسي إني مش هتدخل في أي أمر يخص الأستاذ حلمي بكر، لأني تعبت من اندفاعي اللي بعمله عشانه وهو بيرجع يتهاون في حق نفسه تاني
تابع مصطفى كامل: أنا كنت بحبه وهو راجل بيحبني، وقيمة في حياتي أنا شخصيا، لكن في فترة قولت خلاص أنا هبعد عشان عندي بيتي وولادي وسمعتي، وكل الهجوم اللي كنت بتهاجمه كان بسبب حبي لـ حلمي بكر، ولما هشام ابنه كلمني من مصر كنت بقوله من فضلك أنزل لوالدك وإحنا هنقف في ضهرك بس أنت أولى به.
وفاة حلمي بكر
يذكر أنه توفى حلمي بكر منذ أسبوعين، وأعلنت نقابة الموسيقيين حينها خبر وفاته، عن عمر ناهز 86 عاما، بعد صراع مع المرض في أيامه الأخيرة.
