ضحية اليوتيوبر أكرم سلام: حرقوا وشي وعوروني وأجهضوني | التحقيقات
كشفت التحقيقات تفاصيل جديدة في واقعة اتهام اليوتيوبر أكرم سلام وآخرين، بالاعتداء على سيدة وإصابتها بمنطقة المقطم التابعة لمحافظة القاهرة، بسبب خلافات على أرباح فيديوهات اليوتيوب.
اليوتيوبر أكرم سلام
وحصل القاهرة 24 على التحقيقات في القضية التي حملت رقم 1694 لسنة 2024 جنح المقطم، والمتهم فيها اليوتيوبر أكرم سلام وآخرين بالتعدي على سيدة بمنطقة المقطم.
واستمعت جهات التحقيق لأقوال المجني عليها، قائلة: اللي حصل أن عندي قناة عرض محتوي علي موقع التواصل الاجتماعي يوتيوب وبنزل عليها فيديوهات طبخ وبعد كده واحدة اسمها ليلي توصلت معايا وبقينا أصحاب وساعتها كنت محتاجة حد يديرلي القناة الخاصة بيا على اليوتيوب وبعدها عرفتي على واحد اسمه احمد موسي هو اللي بيدير القنوات بتاعة اليوتيوب وكان بيديرلي القناة فعلا ولما كانت بتجيلي أرباح وكنت بحوله النسبة بتاعته وبعد كده حصلت بينا خلافات وأحمد موسى ده على صلة بـ أكرم سلام وفضلوا يحاولوا يوقفولي القناة بعد ما حصلت بيني وبين ليلي خلافات.
واستطردت المجني عليها بالتحقيقات قائلة: يوم الأحد 2024/1/18 الساعة 4 مساء وانا راجعة من السوق ركنت العربية بتاعتي وناديت على البواب علشان يجي يشيل معايا الطلبات وبعدها لقيت حد بيندهني باسمي ولما لقيت لقيت حد رش حاجة على وشي حرقتني ومشوفتش حاجة وحسيت بحد بيشدني من شعري محستش بحاجة غير أن حد عورتي فأيدي ولما صوت والناس اللي في الشارع اتلمت وجريوا ورا اللي بيضربني ومعرفوش يمسكوه قعدت على الرصيف ولما عرفت افتح عيني لقيت نفسي متعورة فأيدي الشمال وفي صباع ايدي اليمين وبعدها بيوم حسيت بضربات في راسي وضهري بس منثبتتش في التقرير وبعدها بـ 8 أيام وانا يتابع مع الدكتور قالي ان الجنين اللي في بطني مات ويومها روحت قسم شرطة المقطم عملت بلاغ يومها وروحت مستشفيي البنك الأهلي عملت كشف وتقرير طبي.
وجدد قاضي المعارضات حبس اليوتيوبر أكرم سلام وآخرين، 15 يوما على ذمة التحقيقات لاتهامه بالاعتداء على سيدة وإصابتها بمنطقة المقطم التابعة لمحافظة القاهرة، بسبب خلافات على أرباح فيديوهات اليوتيوب.
