نجل رئيس حي وسط الإسكندرية: “لو إحنا مرتشين كان زمانا معانا عربيات وساكنين فى سبورتنج” (صورة)
نشر محمد أسعد ابن “بهية عبد الفتاح” رئيس حي وسط الإسكندرية، التي تم القبض عليها خلال الأيام القليلة الماضية، لإتهامها بقضية رشوة، منشور يوضح براءتها وعدم تورطها بهذه القضية.
وكتب علي صفحتة الشخصية علي موقع التواصل الاجتماعي “فيس بوك”: “أمى (بهية عبدالفتاح) رئيس حى وسط بالاسكندرية اتقبض عليها من يومين لاتهامها فى قضية رشوة!!! !معلش يا جماعة لو هطول عليكوا فى البوست دة بس محتاج اطلع اللى جوايا بعد يومين من الضغط العصبى من اللى بشوفوا فى اخبار السوشيال ميديا.
تفنيد الادعاءات
وأضاف أسعد: “الإعلام فهم الناس القضية غلط للاسف القضية دية فيها أمى وواحدة اسمها سمر و سمر دية اتقبض عليها برشوة صوت وصورة واعترفت على نفسها، أمى ذنبها أن سمر دية كانت بتكلمها قبل ما يتقبض عليها بكذا يوم ففى بينهم تسجيلات وسمر أصلا أخدت الرشوة من المقاول عشان تخلصلة موضوع أرض عند أمى فى الحى”.
وأكد فى منشوره: “التسجيلات دية الرقابة بتفرغها الأيام دية للاسف بقى أن الإعلام مش جايب سيرة سمر و عمالين يقولوا إن أمى اتقبض عليها متلبسة ومسكوها بفلوس وجابوا ورق وفلوس من بيتها!!!! و الكلام دة كلة حصل مع سمر لكن الحمدلله إحنا اصلا محدش جاه فتش بيتنا وأمى مكنش معاها فلوس لما أخدوها وكلة فتى مش أكتر والإعلام عايز يسوق الموضوع فيقول رئيس الحى و مش رئيس الحى!!! وسايب سمر اللى هى اصلا اثبتوا عليها التهم صوت وصورة والإعلام بينسبها لأمى عشان الشو”.
وتابع: “للناس اللى متعرفناش ومفكرة إننا عايشين فى النعيم ومرفهين أولاد رئيس حى بقى أحب أقولكم إن والدى مدرس فى مدرسة حكومية وإحنا اصلا ماعندناش عربية خاصة، ـصلا العربية اللى معانا بتاعت أخويا ونوعها سيات ايبيزا موديل ١٩٩٣ وساكنين فى ميامى يعنى لو كنا بناخد رشوة يا منافقين كان أقل واجب كل واحد مننا معاه عربية أو على الأقل أمى وأبويا عندهم عربية!! و كان زمنا ساكنين فى سبورتنج ولا كامب شيزار وكنا مع الناس الاغنية مش هقول غير حسبى الله و نعم الوكيل فى كل واحد شوة صورة امى وربنا هينصرنا اكيد على الناس الفاسدة”.
نيابة أمن الدولة تأمر بحبس رئيس حي وسط الإسكندرية 4 أيام على ذمة التحقيقات
تفاصيل القضية
وكانت أمرت نيابة أمن الدولة العليا برئاسة المستشار خالد ضياء المحامي العام الأول للنيابة، بحبس رئيسة حي وسط الإسكندرية، 4 أيام على ذمة التحقيقات في قضية طلب وتقاضي رشوة مقابل أداء عمل من أعمال وظيفتها.
وكانت هيئة الرقابة الإدارية ألقت القبض أمس على رئيسة حي وسط بمحافظة الإسكندرية، لطلبها وتلقيها رشوة مقابل أداء عمل من أعمال وظيفتها.
وقال مصدر مسؤول بمحافظة الإسكندرية، إنه تم القبض على رئيسة الحى بناء علي إعطائها أمر مباشر دون مناقصة أو مزايدة لأحد المقاولين بالبدء فى بناء عقار مخالف، مؤكدًا أنه حتى الآن لم يتم معرفة إذا كانت هناك رشوة مالية أم لا، ومازال الأمر تحت التحقيق من قبل الجهات الرقابية.
يذكر أن رئيسة الحى ستبلغ سن المعاش فى أول أبريل المقبل.
الرقابة الإدارية: ضبط مسئولين فى قضايا رشاوى..وتنفيذ 49 قضية كسب غير مشروع
