ليلى الشبح تكشف سبب خلافها مع هند عاكف: سرقت حلمي بكر بالاشتراك مع أرملته وزوج بنت أختها
تحدثت المنتجة ليلى الشبح، عن تفاصيل الشجار الذي نشب بينها وبين الفنانة هند عاكف، خلال عزاء الموسيقار حلمي بكر، موضحة أن مدير أعمال حلمي بكر الذي سرق 2 مليون جنيه من الموسيقار، هو وزوجة ابنة شقيقة هند عاكف.
وقالت ليلى الشبح، في لقائها مع القاهرة 24: هند عاكف عرفت إن نور اللي هو جوز بنت أختها، كنتي قولي له عيب ورجع فلوس الراجل، بدل ما يتجوز بنت أختك بفلوس سرقها من الراجل، يعني تقهري الراجل وتيجي في جنازته؟ أحسبها إزاي؟ إن أنتي ومراته متفقين مع نور، أنتوا التلاته متفقين؟، ما أنتي جاية تبوسيها وتحضنيها.
وأردفت: مش عارفة أقول إيه لهند عاكف هي مالهاش ذنب، بس نور جوز بنت أختك، وعارفة أن الدنيا كلها حصلت معاه وأنتي جاية العزاء، يا سبحان الله على الناس اللي مبتحسش، يقتلوا القتيل ويمشي في جنازته.
واستكملت: اللي أعرفه إن حلمي بكر كلم بسام قاله ألحقني أنا مخطوف، وأنا اتصلت وقالولي أنه مخطوف، وطبعًا بسام غير كلامه وإحنا عارفين هو عمل كده ليه.
واختتمت: نور ده مش مدير أعمال حلمي بكر، هو قاله مشي اللي عندك وأنا همسك لك كل حاجة، وهو كان مخطط لسرقة الـ 2 مليون جنيه، وهو دكتور رقاص، وحلمي كلمني وقالي هاتيلي الواد ده ده ضحك عليا وسرقني، والمحامي بتاعي وبتاع حلمي رفع على نور قضية.
