استدعاء طبيب شهير للتحقيق في واقعة حبيبة الشماع فتاة الشروق بسبب سائق أوبر
قال المحامي عمرو عبد المنعم، دفاع سائق أوبر المتهم في واقعة فتاة الشروق حبيبة الشماع، بالتسبب في إصابتها بعد قفزها من سيارته، أن جهات التحقيق استدعت طبيبا شهيرا وهو صاحب عمل سائق أوبر للاستماع إلى أقواله في الواقعة.
أقوال الطبيب الشهير في قضية فتاة الشروق
وأوضح الطبيب أمام جهات التحقيق: محمود شغال معايا من فترة كبيرة، وأنا مشوفتش منه حاجة وحشة، وكنت بأمنه على أفراد أسرتي، واللي حصل يوم الواقعة، إني كنت معزوم عند واحد صاحبي، ومحمود وصلني هناك وقولتله روح بدري أنت، فهو عشان كده قرر يشتغل الساعتين دول أوبر عشان يحسن دخله، ومكانش بيان عليه أي علامة من علامات الإرهاق أو التعب، كان عادي جدا.
وعن استخدام البرفان من قبل سائق أوبر، قال الطبيب في التحقيقات: أنا مش بطيق ريحة السجاير في العربية، ومحمود كان مدخن وأنا كنت بقوله حاول ترش العربية معطر، عشان تقتل ريحة السجاير، وهو كان معاه زجاجة برفان بيستخدمها كل شوية عشان ريحة السجاير.
الجدير بالذكر أن سائق أوبر المتهم بالشروع في خطف حبيبة الشماع فتاة الشروق، والشروع في قتلها، والقيادة تحت تأثير المخدرات، محبوس على ذمة التحقيقات في القضية، وأن المجني عليها ما زالت في غيبوبة تامة بالمركز الطبي.
