أبرز تصريحات دينا الشربيني: حاسة إني ظالمة والدتي.. ومش كل أعمالي فيها رسالة
حلت الفنانة دينا الشربيني ضيفة على الإعلامي محمود سعد ببرنامج sold out، المذاع عبر شاشة قناة CBC، وكشفت العديد من أسرار حياتها الخاصة، وتحدثت عن مشوارها الفني.
ونستعرض لكم خلال السطور التالية أبرز تصريحات دينا الشربيني في برنامج sold out:
- بخاف من الوحدة علشان كده مش بحب أقعد لوحدي.
- بالنسبة لي السرير والأكل هما أصحابي في الوحدة.
- أنا متسرعة لدرجة إني ممكن أحب واحد وأقوله بحبه، إيه المشكلة؟، والحب ده أحلى حاجة وحلو أوي، ومقصدش حب شخص، بس الحب في العموم.
- نفسي أعمل دار أيتام حتى لما أموت الناس تفتكرني، عايزة يكون في حاجة موجودة حتى لو أنا مش موجودة، ولو ربنا قدرني أني أعمل ده أكيد هعمله.
- كان نفسي يبقى عندي 6 أولاد.
- الجواز نصيب ولازم أختار حد هعيش معاه للأبد فلازم أتأكد إنه الشخص المناسب.
- والدي بالنسبالي صاحبي وصاحبتي وأخويا وكل حاجة في حياتي وبيني وبينه علاقة عميقة جدًا ولحد دلوقتي ببعت له رسائل كأنه موجود معايا.
- بحس إني ظالمة والدتي لأني بتكلم عن بابا كتير بس والدي كان بيدلعني جدًا.
- بحب مسلسل كامل العدد جدًا لأن نفسي في مسلسل يحقق رسالة وكل العائلة تشوفه، وإذا كتب النجاح للجزء الثاني لا مانع لتصوير جزء ثالث.
- مش كل أعمالي فيها رسالة وفي بعض الأحيان أقدم أدوارًا لأسباب أخرى.
دينا الشربيني
وتنتظر دينا الشربيني، عرض مسلسل كامل العدد العدد +1، والذي من المقرر عرضه خلال السباق الرمضاني المقبل 2024، وذلك بعد النجاح الكبير الذي حققه الجزء الأول من العمل.
ويشارك في بطولة مسلسل كامل العدد، مجموعة من الفنانين من أبرزهم: الفنانة دينا الشربيني، الفنان شريف سلامة، الفنانة إسعاد يونس، الفنان أحمد كمال، الفنان أحمد جمال سعيد، الفنانة جيهان المشاشرجي، والعمل من تأليف يسر طاهر، وإخراج خالد الحلفاوي.
