إنجي علاء تكشف كتالوج تربية أبنائها: تعبت أوي معاهم وزرعت فيهم الأخلاق والرحمة
تحدثت الكاتبة إنجي علاء عن كتالوجها في تربية أبنائها الـ 3، والصفات التي حرصت أن تزرعها فيهم هي ووالدهم الفنان يوسف الشريف.
وقالت إنجي علاء خلال لقائها مع القاهرة 24: تربية الولاد بالنسبة ليا كانت صعب شوية، وتعبت أوي في تربيتهم، وهما كبروا الحمد لله، وأنا مش مع الضرب خالص، وبكره الضرب، وبكره القسوة، وعندي مشكلة مع القسوة والطبع القاسي وبحب الرحمة.
إنجي علي: مش بحب القسوة مع الأطفال
وأضافت إنجي علاء: مش بحب في التربية الروتين اللي مفيهوش كلام، لكن بحب الواحد يكون عنده حتة مرونة ويقدر يفهم اللي قدامه لأن مش كل الناس تقدر تعبر عن مشاعرها وبيكون فيه مشاعر كتير مكبوتة، ومش بحب القسوة مع الأطفال لأنهم مش بيعرفو يعبروا زينا وبحاول اتفهمهم، بس طبعا لما بلاقي تأثير من بره بحاول أصده وده مش سهل لأن التأثير الخارجي أكبر بسبب السوشيال ميديا.
وعن أهم الصفات التي اهتمت أن تزرعها في أبنائها، أجابت: أهم حاجة الأخلاق اللي بجد مش منظر، والرحمة والأمانة حاجة مهمة جدًا وأنا عاصرت واشتغلت سنين طويلة وشفت ناس ممكن يدعوا أنهم صح وأول صفة مهمة اللي هي الأمانة مش عندهم، والأمانة والرحمة والصدق علشان تزرعيهم في أي شاب دلوقتي شيء مش سهل، وناس كتير بيعتبروا انك قديمة لو اتكلمتي في الصفات دي، والحاجة اللي دايما بحب اقول ليهم حطوا ربنا قدام عينكم،.
واختتنت: جنى بنتي أول فرحتي وعمري ما حسيت بالفشل لأن أول ما بقع بفتكر بصة جنى يوم ولادتها، وبحس أنها محتاجاني وهي مدياني قوة سواء قادة أو لأ وبحس أني عندي مسؤولية إنك مجبرة أكمل، ومفيش وقت للبكاء على الأطلال.
