إنجي علاء عن طلاقها من يوسف الشريف: اللحظات الصادقة بينا وصلت للناس وعاشوا معانا قصة حبنا | فيديو
تحدثت الكاتبة والمؤلفة إنجي علاء، عن علاقتها بالفنان يوسف الشريف بعد طلاقهما، معلقة على تعاطف الجمهور مع نبأ انفصالهما والحب الكبير الذي وجدته من المتابعين.
وقالت إنجي علاء خلال لقائها مع القاهرة 24: سعدت جدًا بتعليقات الجمهور، لأنهم عاشوا معنا من الأول للآخر كل حاجة وكل الخطوات، وكل كلمة أثرت فيا جدًا وبسطتني جدًا منهم، وكله نصيب، وبدعي ربنا دايمًا يعمل اللي فيه الخير.
وأضافت إنجي علاء: أنا تلقائية شوية واللي في قلبي على لساني وحاولت أغير ده مؤخرًا ودي طبيعتي، واللحظة نفسها بطلعها بصدق ولذلك اللحظات الصادقة بيني وبين يوسف الشريف وصلت للناس، وحسيت أن الناس أخواتي وحاسين بيا زي ما حسوا بيا قبل كده وبيشجعوني ومعانا وحسيت إن كأنهم عيلتي.
وتابعت: طلاقي من يوسف الشريف موقف شخصي ولكن حب الناس وتعليقاتهم كان سبب أنهم عاشوا معانا فترة طويلة وسنين طويلة وده فوق راسي.
وأكملت إنجي علاء: أنا ويوسف الشريف فيه احترام وتقدير وعشرة وولاد بينا وهيفضل الاحترام والتقدير موجود بينا، وعلاقتنا جيدة جدًا، واحنا عشرة 16 سنة، وهنستمر في التعاون معًا فنيًا، وأنا عندي مشاريع وهو عنده مشاريع ولو فيه مشروع مع بعض هنعمله.
طلاق يوسف الشريف وإنجي علاء
تسبب نبأ طلاق يوسف الشريف وإنجي علاء في تعاطف جمهورهما، بعدما أعلن الثنائي انفصالهما رسميًا في شهر نوفمبر الماضي، بعد زواج استمر 16 عامًا، وأعلن الثنائي طلاقهما في بيان مشترك.
