خالد سليم يحلق شعره على الهواء تضامنًا مع والدته المصابة بالسرطان
أقدم الفنان خالد سليم، على حلق شعره تضامنًا مع والدته التي أُصيبت بمرض السرطان، معربًا عن حزنه الكبير، مما أدخله في نوبة بكاء.
ودخل خالد سليم في نوبة بكاء، خلال حلاقة شعره على الهواء، وذلك في أثناء حلوله ضيفًا في برنامج كتاب الشهرة، الذي يقدمه الإعلامي علي ياسين، وعلق قائلًا: عايز أعمل حاجة كان نفسي أعملها ولكن كان عندي التزامات مخلتنيش أعملها، ولكن أنا بعتذر للالتزامات اللي جاية، وأنا بعلن تضامني التام لماما بعد إصابتها بالسرطان وبعدي لها ولكل اللي جالهم المرض اللعين ده وكل الناس اللي فقدت أحد أسرتها وأحبابها بسبب المرض القذر ده.
خالد سليم يعلن تضامنه مع أحداث غزة
وسبق وأن أعرب الفنان خالد سليم، عن حزنه الشديد لما يعانيه أطفال غزة بفلسطين، بسبب هجمات وقصف العدو المحتل الإسرائيلي، حيث نشر خالد سليم الفيديو، عبر حسابه الشخصي بموقع انستجرام، معلقًا: أنا سكت كتير أوي، بس مش قادر، كل يوم بتدمر أكتر من اللي قبله، ومش عارف أعمل إيه، ولا عارف نعمل إيه، غير أننا ندعي ربنا يوقف المجزرة الإنسانية دي، والله حرام مش مصدق اللي بيحصل لأطفالنا، والمدنيين من نساء وشيوخ وشباب.
وتابع خالد سليم: معقول الخونة يستهدفوا مدارس ومستشفيات وبنايات سكنية، ومعقولة القانون الدولي والعرب والدنيا كلها ولا تاخد موقف، هو في إيه؟!، وكنائس ومساجد هو في إيه، ربنا ينتقم من الجبابرة، اللي ما عندهمش قلب ولا رحمة ولا نخوة.
