أم متهمة بإدخال المخدرات لابنها المحبوس داخل علبة جبنة دومتي: مش بتاعتي| خاص
تجري جهات التحقيق، تحقيقاتها مع إحدى السيدات تبلغ من العمر 62 عامًَا، بتهمة حيازة المواد المخدرة بقصد إدخالها إلى نجلها المحبوس بمركز إصلاح وتأهيل العاشر من رمضان، داخل علبة جبنة دومتي.
ضبط سيدة بتهمة ادخال المخدرات
وحصل القاهرة 24 على أقوال السيدة المتهمة، وجاءت أقوال الأم متهمة بإدخال المخدرات لنجلها داخل مركز إصلاح وتأهيل العاشر من رمضان: اللي حصل إني كنت رايحه أزور ابني عشان محبوس في مركز إصلاح وتأهيل العاشر ودخلت من باب الزيارة عادي وفتشوا الزيارة بتاعتي، وطلعوا الحاجة دي من الزيارة وقالولي الحاجة دي بتاعتك قولتلهم لا أنا معرفش عنها حاجة، وبعدها دخلوني عند المأمور وسألني الحاجه ديه بتاعتي قولتله لا وسألني إتحبست قبل كده قولتله لأ، وبعد كده طلعوني قعدوني برا قدام مكتب المأمور لحد ما جابوني النيابة إمبارح بالليل، وبعد كده رجعوني قسم ثان العاشر والنهارده جابوني تاني على النيابة، وهو ده كل اللي حصل.
وأضافت الأم المتهمة بإدخال المخدرات لنجلها المحبوس: أنا كنت رايحة أزور ابني عشان محبوس هناك في المركز، ومش فاكرة بيانات القضية المحبوس فيها ابني دلوقتى، وأنا كنت لوحدي، وفيه أمين شرطه معرفش اسمه وبعد كده دخلني عند الظابط وبرضه معرفهوش، وسألوني الحاجة دي بتاعتك قولتلهم لأ أنا معرفش عنها حاجة وبعد دخلوني عند المأمور وسألني الحاجة ديه بتاعتي، وقولتله لأ وسألني اتحبست قبل كده قولتله لأ، وفي إتنين أمناء شرطه حريم فتشوني، ومالقوش معايا أي حاجه، والمضبوطات المعروضة عليا دي مش بتاعتي.
وأنكرت الأم المتهمة ما هو منسوب اليها من أنها متهمة بإحراز جوهر الحشيش المخدر بغير قصدي الإتجار والتعاطي، حال كون ذلك داخل السجن بمركز إصلاح وتأهيل العاشر، في غير الأحوال المصرح بها قانونًا
كما أنكرت ما هو منسوب إليها من أنها متهمة بإدخال المواد المخدرة محل الاتهام السابق، حال كون ذلك داخل السجن مركز إصلاح وتأهيل العاشر، مخالفة بذلك اللوائح والقوانين المنظمة لمصلحة السجون على النحو الوارد بالأوراق.
