أول رد من ريم طارق طليقة حسن شاكوش على زواجها من ثري عربي | خاص
انتشرت أنباء خلال الساعات الماضية بشأن زواج ريم طارق، طليقة مغني المهرجانات حسن شاكوش، من ثري عربي بعد انتهاء عدتها.
حقيقة زواج ريم طارق طليقة حسن شاكوش من ثري عربي
وتواصل القاهرة 24 مع ريم طارق لمعرفة حقيقة الأمر، ولكنها رفضت التعليق على أنباء زواجها من ثري عربي بعد طلاقها من حسن شاكوش، قائلة: معنديش تعليق.
ريم طارق بعد طلاقها من حسن شاكوش: مركزة في مستقبلي ونجاحي
سبق وتحدث ريم طارق، طليقة مغني المهرجانات حسن شاكوس، للقاهرة 24، وأكدت أنها تركز في مستقبلها وحياتها، قائلة: أتمنى الغي قصة طليقة حسن وعاوزة اسمي يكون ريم فقط، مش عاوزة حد يشاور عليا يقول طليقة حسن، مش عاوزة أنسب اسمي لحد ولا اتشهر على قفا حد ومفيش حد بيتشهر على سمعته وشرفه وخراب بيته دي مش حاجة حلوة.
وأضافت ريم طارق: أنا بيتي اتهدم وناس اتكلمت في عرضي، وده كله كتير على واحدة داخلة تتجوز وتخلف وكل من هب ودب يدخل يقول فيها وفيها، لأن أكتر حاجة كانت تاعبة نفسيتي أن بشوف بنات بتلبس حاجتي بعد ما أبويا تعب وجهزني وحقوقي جت جت ما جتش هي عند ربنا، وكنت عاوزة في الأول اسمي يتمسح من ذاكرة الناس ولكن لقيت أني كده كده اتعرفت والناس شافتني.
وتابعت ريم طارق: قلت هظهر لكم بس عاوزة أعمل أي حاجة تبعدني تماما عن المشكلة، خاصة أن حسن مش الشيخ الشعراوي عشان اتشهر على حسه، ولا البروفيسير أو عمرو دياب.
وأكدت ريم طارق أنها لن تتزوج من أجل الأموال، موضخة: ربنا مديني عقل ومتعلمة وشاطرة وكويسة واعرف اشتغل إيه اللي يخليني أدور على جوازة علشان الفلوس وأنا كنت بفكر في مستقبلي قبل جوازي من حسن، ومستحيل اتجوز علشان فلوس أو مقابل فيلا أو عربية والعالم كله يتكلم على سمعتي وشرفي.
