ويجز يُهاجم وائل غنيم: كنت شيخ وبقيت كلب متربتش.. ومقتنع إنك مستفيد بشكل ما
هاجم مطرب الراب ويجز، الناشط السياسي وائل غنيم، بسبب اختلاف آرائهما حول الجرائم الإسرائيلية في قطاع غزة، وهجوم الفصائل الفلسطينية يوم السابع من أكتوبر - طوفان الأقصى.
وكتب ويجز عبر حسابه الشخصي بموقع X (تويتر سابقًا): طب فسرلي ده إيه شيزو مثلًا كنت شيخ بعدين بقيت كلب متربتش شمتان في المستضعفين عشان مختلف معاهم سياسيًا، وكل أما أجي أديك تقولي حماس مع أني مقولتش حماس ولا مرة، إيه السر بقي وبتدخل تكلم إسرائيليين متطرفين محرضين، أنا مقتنع إنك مستفيد بشكل ما، اتزنق اشتم ده شغل أطفال.
وتابع ويجز: ده غير إنك يوم مع النظام ويوم ضد النظام يوم تعيط مع أستاذة منى، فهمني بقي إيه الدماغ عايز توصلنا لإيه، كل الناس بتكلمني تقولي فكك منه مجنون ومفيش مجنون إلا عاقل أنا مش مقتنع ومش فاهم إزاي مفجر ياخد صف الإسرائيليين باستماتة عشان جرايم حماس جيش الإحتلال.
وأضاف: داخل تشتم ف الناس على النت مع العلم أني لو شوفتك كفاءة أعرفك مقامك بالذوق وبالعافية لو تحب.
داخل كمان تستشيخ وتتكلم في صلاة وصبر وصوم وسبحة وأنت يا مولانا اتولانا، من الجوب للكاس ومن الكاس للجوب.
أزمة ويجز ووائل غنيم
وسبق وأن اشتعلت الأزمة بين ويجز ووائل غنيم، وظهر غنيم في مقطع فيديو موجهًا رسالة لويجز، قائلًا: وجوزة قلبي دا حبيبي وأحلى بيبي، بيلبس شيفون جميل، بتجيب الشيفونات منين يا ويجز عايز أجيب واحد، وكتب وائل غنيم على الفيديو: كل اللي اتقال إشاعات أنا وويجز إخوات، أنت في عمر ولادي يا جوجو.
ورد ويجز على الفيديو الذي نشره وائل غنيم عبر حسابه الشخصي على تويتر، وعلق أولًا عليه قائلًا: حبيبي أنت والله عسول ودمك خفيف جدًا من معجبينك يا منفي كمل.
واستكمل ويجز: معنديش أخوات جواسيس للتنويه، أنا بس بعامله على قد عقله كدة كدة ويعني محدش يقوله بقى.
