بيذلني بعربيتة.. شاب يستدرج صديقة للصحراء لسرقة سيارته وقتله بفرد خرطوش
كشفت التحقيقات في القضية رقم 4824 لسنة 2022 جنايات شبرا تفاصيل مقتل سائق على يد شخصين لسرقته سيارة بمنطقة شبرا بمحافظة القاهرة.
مقتل سائق بشبرا
وحصل القاهرة 24 علي نص تحقيقات المتهمين وجاءت اقوال المتهم الاول كالاتي: أنا بشتغل عامل خردة من وأنا عندي 16 سنة، والمتهم التاني يبقى ابن خالتي ومكنش ليا خلطة بیه زمان بحكم إنه طول عمره عايش في الصعيد في أسيوط، ولما بينزل مصر بيشتغل في الحجارة والرخام في منطقة اسمها شق التعبان ناحية طرة، ولما عمه طرده من البلد عشان مشاكل ورث بينهم بقى علطول ييجي يقعد في بيت جدي في شبرا، ومن هنا بقيت بشوفه كتير وبقينا صحاب.
وتابع المتهم: واللي حصل إن يوم الواقعة لما كان ابن خالتي بايت عندي في البيت في شبرا، قالى إنه بيفكر يغدر بواحد صاحبه اسمه بدر وياخذه على منطقة خلا، ويموته وياخد منه العربية بتاعته اللي بيذله عشان يركبهاله.
واشار المتهم: بصراحة أنا شجعته وقلتله أنا أول مرة أعمل كده، بس أنا معاك في المشوار طالما فيه فلوس عشان أنا طمعت في فلوس العربية بعد ما تتباع، واتفقنا على اللي هنعمله في صاحبه اللى اسمه بدر وابن خالتي حدد الميعاد واتفقنا ان انا هاخد المطواة بتاعتي اللى بقطع بيها الخردة وقولتله ساعتها خليها معاك عشان انا بخاف اطلع بيها برا شبرا.
وأشار المتهم محمود في اعترافه: يوم الواقعة المتهم كلمني علي العصر علي حسب اتفاقنا وفهمني أنه مع المجني عليه وانه قاله أنه محتاج عربيته ضرورى عشان ليه فلوس في موقع أو مصنع وان خلاص بدر شرب الموضوع ومصدقه وانهم قاعدين علي قهوة مع بعض في شق التعبان وقالي يلا انجز حالك وتعالي علي الاتوستراد محطة صقر قريش وفعلا روحت على بعد العصر ولقيت اسلام سايق عربية شيفورليه حمراء نص نقل وجنبه واحد اللى هو المفروض المجني عليه.
وتابع المتهم في التحقيقات: لحد ما دخل على مكان الواقعة وبعدها دخل في حتة تانى كلها صحراء ومدقات ولما الليل ابتدا يليل علينا هناك لقيت اسلام وقف مرة واحدة في مدق وساعتها فهمت اننا هنبدء تنفذ وراح المتهم نزل من العربية ولما نزل لف ناحية الباب اللي ناحيتي روحت نزلت وراح مطلع المطواة وادهالى في ايدى وراح شادد المجني عليه من دراعه من على الكرسي وساعتها قاله انت بتعمل ايه وفي اللحظة دى المتهم طلع الفرد بتاعه وضرب بدر طلقة فرشت في بطنه من النص راح بدر راجع لوراء وماسك بطنه وتقريبا كان بينزف لحد ما مات.
