خالد عليش وزوجته يكشفان سبب ظهورهما على السوشيال ميديا: إحنا مش إنفلونسر
تحدث المذيع خالد عليش رفقة زوجته المذيعة ميرهان عمرو، خلاص تصريحات تلفزيونية، عن الفيديوهات الطريفة التي يقدماها على السوشيال ميديا، إلى جانب ردهما على التعليقات السلبية التي قد يتعرضان لها.
وقالت ميرهان عمرو: أحلى حاجة بحسها فينا إننا شايفين إننا مش انفلونسر، أنا مذيعة وهو مذيع، والسوشيال ميديا جزء من حياتنا، ماينفعش نتغاضى إننا عندنا محبين، والناس بتحب تشوف الحتة الشخصية عند أي كابل معروفين، لكننا مش مجبرين نقدم محتوى أو يتم تصفنينا كإنفلونسر أو نقدم عدد معين من الفيديوهات، لكن لما بنلاقي مزاجنا حلو بنعمل فيديو من غير أي تجهيز، وبيطلع أحسن كتير من إنه يكون واجب علينا أو محضرين.
من ناحيته قال خالد عليش إن دخولهما السوشيال ميديا وتقديم فيديوهات لم يتم الاتفاق عليها، جاء بالصدفة، موضحًا: ما حصلش اتفاق، إحنا بنلعب، ومعندناش جدول بإننا لازم ننزل فيديو النهاردة، لكن براحتنا بنلاقي حاجات لذيذة بنعملها، ولو سافرنا بنصور الحاجات اللي صورناها وننقل الخبرات للناس.
وعن التعليقات السلبية التي يتعرضان لها قالت ميرهان عمرو: أنا بلفتر التعليقات، ولو لقيت كلام مش حلو بمسحه وبعمل بلوك، وفي الأول كنت بتأثر شوية، ولو أحيانًا سخنت لدرجة رديت على حد، بعدها بندم وبقول إيه الهبل ده ليه دخلت في نقاش، لأن مش حلو إن الشخص اللي قدامك ينجح في استفزازك، وخالد دايمًا بيقول لي لو رديتي عليه يبقى هو نجح في هدفه.
خالد عليش وميرهان عمرو
ويُشار إلى أن خالد عليش احتفل بزواجه على ميرهان عمرو في نوفمبر عام 2021، في حفل عائلي، وتعد الزيحة الثانية له، إذ سبق أن تزوج من ميما الشامي ولديه منها ابنة إلا أنهما انفصلا عام 2020.
