مطلقين من فترة.. صلاح محسن يرد على تسريبات وصور الشات
رد صلاح محسن لاعب الفريق الأول لكرة القدم بالنادي الأهلي، على المحادثات التي تم نشرها على مواقع التواصل الاجتماعي، وأنباء تورطه في علاقات مشبوهة.
تسريبات صلاح محسن
ونشر صلاح محسن بيانًا رسميًا، عبر حسابه الرسمي على موقع التواصل الاجتماعي انستجرام، أكد فيه اعتذاره على ما بدر من زوجته حول نشرها شات وصور وتسريبات من صفحته الشخصية، مشيرًا إلى أن الخلافات الزوجية مكانها ليس السوشيال ميديا.
وقال صلاح محسن: في البداية بعتذر لكل الناس عن الحاجات اللى انتشرت دي، وأنا مش هاعلق غير بحسبي الله ونعم الوكيل.. الخلافات الزوجية عمر مكانها ما كان السوشيال ميديا والخلافات دي كانت من فترة وحساباتي كانت معاها، وللأسف محادثات اتفبركت لتشويه صورتي وبغرض الانتقام والقضاء على مستقبلي في كرة القدم.
فضيحة صلاح محسن
وأضاف صلاح محسن بشأن نشر زوجته تسريبات وصور وشات: فيه حاجات كتير مش هينفع أتكلم فيها، لأنها مهما كانت أم ولادي، ومش هتكلم دلوقتي احترامًا للناس واحتراما لأنها كانت في يوم من الأيام أقرب الناس ليا، وأنا بعتذر بالنيابة عن بيتي لكل الناس، لأن الخلافات مش مكانها السوشيال ميديا، وحقي هاخده بالقانون، وأنا مركز في مستقبلي من زمان ومركز جدا في تمريني وبجتهد لأن طموحي كبير جدا، وعمر الحاجات دي ما هتوقف طموحي حتى لو كان غرضها كدا فدي محنة كبيرة وصدمة ليا بس في الأخر حقي هاخده وعند الله تجتمع الخصوم.
وأشار صلاح محسن إلى أنه منفصل عن زوجته منذ فترة، معقبًا: الانفصال بيني وبين الأستاذة اللى كانت في يوم من الأيام مراتي، وهي أم أولادي كان من فترة، واللي حصل غرضه تشويه صورتي والقضاء على مستقبلي.. قدر الله وما شاء فعل، اللي حصل بلاء.
وأكمل محسن: قال تعالى: ونبلوكم بالشر والخير فتنة وَإِلَيْنَا تَرْجَعُونَ ولعل حديث النبي صلى الله عليه وسلم يصبرني.. ما يصيب المسلم من نصب ولا وصب ولا هم ولا حزن ولا أذى ولا غم حتى الشوكة يشاكها إلا كفر الله بها من خطاياه.
