لاعب العبور يهاجم مجلس الإدارة بعد الاستغناء عنه عقب إصابته بقطع في الرباط الصليبي
هاجم لاعب نادي العبور حسام أبو المعاطي، مجلس إدارة نادي العبور، بعد الاستغناء عنه، بعد إصابته بقطع في الرباط الصليبي، وتحمله مبلغ العملية.
لاعب العبور يهاجم مجلس الإدارة بعد الاستغناء عنه عقب إصابته بقطع في الرباط الصليبي
وقال حسام أبو المعاطي، عبر صفحته الرسمية على الفيسبوك: أنا حسام أبو المعاطي لاعب نادي العبور، تعرضت للإصابة في الموسم الماضي بقطع في الرباط الصليبي، أمام زد بالدور التاني في مباراة رسمية، أمام أعين الجهاز الفني والإداري.
وأضاف: تحملت نصف ثمن العملية من جيبي الخاص، ونصف التأهيل بحجة إن أنا اللي اختارت الدكتور اللي هعمل عنده العملية والمكان اللي هعمل فيه التأهيل، ودفعت 30 ألف للعملية من جيبي و25 ألف للتاهيل.
وتابع حسام أبو المعاطي: عقب انتهاء الموسم وأنا مصاب وبتعالج أرسلوا لي ورقة إني مشيت من النادي بدون معرفتي، بالرغم من إني بتكلم مع الجهاز الإداري على طول، ومحدش بلغني بحاجة وقالولي تمام إحنا في انتظار رجوعك، ولما بدء الموسم الجديد أنا المفروض عقدي ساري مع النادي، بعتولي الجواب بفسخ العقد بدون علمي، عشان ماخدش فلوس الموسم الجديد.
وأكمل: لما اتكلمت مع دكتور عطية السيد المدير الفني، قولي الإدارة اللي عملت فيك كدا، ولما أتكلم مع الإداره يقولولي دكتور عطية اللي عمل فيك كدا، رغم من إني كنت لاعب أساسي في الفريق، ومقصرتش معاهم أبدًا في أي حاجة.
واختتم حسام أبو المعاطي لاعب فريق العبور: فين الإنسانية وحسبي الله ونعم الوكيل في كل واحد ظلمني في المجال دا، وآخر مكالمة بيني وبين دكتور عطية السيد، إنه في انتظار رجوع جاهز طبيا، وهو كده كدة عارفني فنيا، بعد ما رجعت دكتور عطية قالي لا أنا مش هينفع أقيدك عشان أنا بلعب على صعود ومحتاج لاعيبة جاهزة، طيب فين حقي كلاعب اتصابت في الفريق قدام عين الك؟.
