رجل أعمال التجمع الخامس في التحقيقات: قالتلي هات 5 مليون جنيه ومضربتش نار على حد|خاص
قصة رجل أعمال التجمع الخامس.. 8 سنوات من المعاناة النفسية والجسدية والمادية، رحلة قضتها أسرة مدير شركة بترول، بين أقسام الشرطة وسرايا النيابة وظلمات الحبس وساحات المحاكم وأسِرة المستشفيات، بلا ذنب اقترفوه سوى أن رجلا فقد عقله، وحول حياتهم من النعيم والرخاء، إلى معاناة وشقاء، يتلقون الضربة تلو الأخرى، لا يفيقون من واحدة حتى تأتيهم الأكبر، لتنتهي المعاناة بطلقة رصاص حية، أطلقها صاحب الأزمة تجاه زوجته؛ لتخترق ظهرها وترتد في رقبتها مخترقة ضلوعها، كادت أن تودي بحياتها لولا تدخل العناية الإلهية، لتحكي لنا المجني عليها قصة الـ 8 سنوات.
قصة رجل أعمال التجمع الخامس
حصل القاهرة 24 على نص التحقيقات في قضية اتهام رجل أعمال التجمع الخامس، بإطلاق النيران على طليقته، والشروع في قتلها وإصابتها بطلقة نارية بمنطقة الرقبة، وكذلك الشروع بقتل نجله وإطلاق عيارين ناريين عليه، لكنه لم يصبه.
وقال رجل أعمال التجمع الخامس في التحقيقات:
س: صف لنا الملابس التي كنت ترتديها وقت ضبطك؟
ج: أنا كنت لابس اللبس اللى أنا لابسه دلوقتي قدام حضرتك.
س: متى تحديدا ارتديت تلك الملابس؟
ج: أنا لبستها الساعة كانت 4 ونص العصر.
س: هل وقفت على سبب إلقاء القبض عليك آنذاك؟
ج: هما قالولي هتعرف لما توصل، وهناك في القسم قالولي إني ضربت نار على طليقتك وعورتها في رقبتها وظهرها، قولت أنا معرفش حاجة عن الكلام ده.
س: ما هي بيانات طلقيتك؟
ج: هي اسمها منى فتحي عشري.
س: منذ متى تحديدا انتهت العلاقة الزوجية بينكما بالطلاق؟
ج: في 25 فبراير 2023.
س: وما سبب طلاقكما؟
ج بسبب مشاكل بينا.
س: منذ متى نشبت تلك الخلافات بينكما؟
ج: هي بدأت في رمضان 2022.
س: ما هي طبيعة تلك الخلافات التي كانت بينكم؟
ج: بسبب شغلي والمخاطر اللى أنا كنت بقابلها، فعملت لها العديد من التوكيلات لأملاكي ونقلت لها فلوسي اللي في البنوك، وكانت حوالى 200 ألف دولار، كان الكلام ده في 2015، وفى 2017 بدأت أحس بالإجهاد وبعد كده استقلت وعملت شركتي الخاصة واديت لكل واحد من ولادى 10%، وهي 20%، وأنا 40% من أسهم الشركة، وبعد كده جالي انهيار نفسي وفقدت الشغف في الشغل وقررت تصفية الشركة، وده كان في عام 2022 في شهر مايو أو يونيو، وابتديت أكلم مراتي إنها ترجعلي الحاجة اللي أنا نقلتلها في 2015، قالتلي لا ده فلوسي وفلوس عيالي وبعد كده الأمور ابتديت تتأزم ما بينا، وسابت البيت ومشیت، وبعد كده في شهر أغسطس 2022 سمعت إن مراتي ابتديت تستخدم التوكيلات الخاصة اللي أنا عاملها وبتبيع في فيلا 15 مايو، فروحتلها في الشقة اللي هي مأجراها، وقولتلها إيه الهبل اللى إنتِ بتعمليه في بيع الفيلا؟ فقالتلي لو عايز توكيلاتك هات 5 مليون جنيه.
