صانع المحتوى عمر حافظ يكشف قصة زواجه من الأوكرانية بولينا رايبفول: اتجوزنا بعد خطوبة أقل من شهر
كشف صانع المحتوى عمر حافظ قصة حبه وزواجه من الأوكرانية بولينا رايبفول، وسبب تقديمهما محتوى على السوشيال ميديا والشهرة التي حققوها، خلال استضافتهما في برنامج البيه والهانم الذي تقدمه الإعلامية نورين شحاتة والإعلامي ممدوح الشناوي عبر قناة القاهرة والناس.
وقال عمر حافظ عن كيفية إقناع زوجته بالزواج خاصة أنها صغيرة في العمر: المصريين واخدين فكرة أن الأجانب بيتجوزوا بعد التلاتين والأربعين والكلام ده مش صح، وجدتها متجوزة وهي 16 سنة، والزواج في النهاية نصيب وبره بيتجوزا عادي صغيرين.
وأضاف عن قصة زواجهما في البيه والهانم: في الأول كانت حابة الفكرة وقالت لي إحنا جنسيتين مختلفتين ممكن نوري الناس أن ممكن مصري يتجوز أوكرانية، وأن أي شخصين من جنسيتين مختلفتين ممكن ييتجوزا عادي، وكنا لسه في فترة الخطوبة، واتخطبنا بعد تلات شهور من التعارف، وبعد أقل من شهر زواج لأني كنت قاعد في إسكندرية وهي في الشيخ زايد.
وعن سبب ظهورها على السوشيال ميديا قال عمر خلال لقائه في البيه والهانم: هي اللي أقنعتني وأنا كنت رافض في البداية، قالت لي ليه ما نطلعش على السوشيال ميديا ونوري الناس محتوانا، ولكني رفضت في البداية لأني مش بحب أظهر حياتي للناس وكمان لأن نجمي خفيف.
عمر حافظ يكشف سبب ظهوره وزوجته على السوشيال ميديا
وتابع: كنا في فرح قالت لي تعالى نجرب، وعملنا فيديو جه تلقائي وقلت لها تقول مبروك يا عروسة ويا عريس، فقالت مبروك يا عروسة ويا إدريس والفيديو جاب أربعة مليون بعدها الناس عرفتنا في الشارع، وأنا محتوايا بيضحك الناس ولكني مش بظهر حياتنا الشخصية واللي بنقدمه ضحك وهزار.
وأكمل: اللغة اللي بنتكلم بيها مع بعض إنجلش أو عربي، ومفيش حد في الدنيا الناس بيتفقوا عليه وأي شخص ناجح بيحاولوا ينتقدوه وإحنا مش بنرد على أي حاجة سلبية.
من ناحيتها قالت بولينا رايبفول: عمر لطيف جدًا وكويس معايا وأهلي ما عرضوش جوازنا، وماما بتحب مصر جدًا، وبعرف أطبخ أكلات مصرية زي الرز والفراح والملوخية.
