عمرو مصطفى: قعدت في البيت 4 شهور مكتئب بسبب أغنية افتكرلك إيه.. والإنتاج الموسيقي بيدخل دولار
تحدث الفنان والملحن عمرو مصطفى، عن استيائه بسبب حقوق الملكية الفكرية على الأغاني في مصر، بجانب الكشف عن إصابته بـ اكتئاب بسبب أغنية افتكرلك إيه.
وقال عمرو مصطفى، خلال المؤتمر الصحفي المقام حاليًا لـ جمعية المؤلفين والملحنين، بنقابة الصحفيين: النهاردة إحنا بنعيش الموقف وكلام مصطفى محمود بيتحقق، كل تراثنا دلوقتي للبيع، أنا دلوقتي أغانيا ممنوع تتباع ومبعملش تنازلات لـ حد، وبقالي 4 أو 5 سنين مش هشتغل لـ حد علشان أعرف الموسيقى دي، وزي ما اتحكمت في عقول الناس وعملت بشرة خير، دي كانت دراسة وعلم، مضيفًا: جمعية المؤلفين والملحنين لازم تتحكم في المصنفات الفنية اللي بيعمل المؤلف والملحن تصريح ليها، النهاردة لما نيجي نرجع للتاريخ أم كلثوم ليها نسبة.
وتابع عمرو مصطفى: أنا عملت أغنية لـ أم كلثوم افتكرلك إيه، تخيلت إني كملحن عايز أعمل أغنية لـ أم كلثوم بالذكاء الاصطناعي، فجأة لاقيت هجوم رهيب خلاني قعدت 4 شهور في البيت مكتئب مش مصدق اللي حصل، رغم إن في أغنية تانية فيها إيحاءات جدًا، مسمعتش منتجع طلع اتكلم عنها.
وشدد مصطفى على ضرورة تعديل قانون حقوق الملكية الفكرية، قائلًا: بس صدقوني الفترة اللي جاية هتشوفوا حاجات تانية وهيكون في شباب جامدة جدًا، بس أتمنى يعملوا قوانين الملكية الفكرية، دي ثروة للبلد والبلد محتاجة فلوس ودولارات، النهاردة الإنتاج الموسيقي بيدخل دولار.
