سمسم شهاب: كنت بلعب مع أصحابي بلاي ستيشن عشان أكسبهم وأجيب أكل لولادي | فيديو
تحدث المطرب سمسم شهاب، عن بدايته، مشيرًا إلى أنه عانى كثيرًا ومكث 4 سنوات دون عمل، حتى أنه كان لا يجد ثمن شراء الطعام لأبنائه.
وقال سمسم شهاب في لقائه مع القاهرة 24: عشنا أيام صعبة وقعدت أربع سنين مش بشتغل خالص، وكان عندي جهاز بلاي ستيشن وكنت بجيب صحابي ولاعبهم وأكسبهم علشان يدفعوا حق الجيم وأجمع خمسة أو ستة جنيه علشان أجيب بيهم أكل للعيال، ومراتي عاشت معايا الأيام دي وأنا بطبعي مش بحب اشتكي لحد، ومحدش بيدي لحد من غير طلب إلا ربنا وانا مش بطلب من حد.
في سياق آخر، تحدث سمسم شهاب عن رأيه في المهرجانات الشعبية، مشيرًا إلى أنه من المستحيل أن يتعاون مع أحد منهم، إذ قال: يهمني أني أكون مطمن على ولادنا وأنهم يكونوا بيسمعوا كلمة كويسة، ومستحيل أقدم أغنية مع حد من مطربين المهرجان لأني لا أحب نوع المزيكا الخاصة بالمهرجانات، وبيتعرض عليا أشارك في المهرجانات ورفضت من غير ذكر أسماء لأن ليهم كل الاحترام وما أحبش أسيء لحد فيهم.
ورفض سمسم شهاب أن يكشف رأيه في مطرب المهرجانات حسن شاكوش إذ قال بعد سؤاله عنه: محبش أسيء لحد.
وحل المطرب سمسم شهاب، ضيفًا على موقع القاهرة 24، وكشف أسرارًا في حياته، إلى جانب حديثه عن زوجته الراحلة ومدى حبه واشتياقه لها وكيف كانت تسانده وتقف بجانبه.
