المنتج طارق الجنايني: لما حد بيسألني أصالة هتعمل دويتو مع كزبرة بقوله أنت مجنون
كشف المنتج طارق الجنايني، سبب حماسه لإنتاج فيلم الحريفة، بطولة الفنان نور النبوي ومجموعة من الفنانين الشباب، بجانب الحديث عن فكرة مشاركة مؤدي المهرجانات كزبرة في أول تجربة تمثيلية له.
وقال طارق الجنايني خلال لقائه مع القاهرة 24، إنه كان لديه الرغبة دائمًا في عودة إنتاج أفلام بطولة شباب لذلك تحمس لإنتاج فيلم الحريفة، معلقًا: نوعية الأفلام دي اللي كنت بتفرج عليها وأنا صغير، وكنت حابب تقديم نوع فيلم أروح أتفرج عليه أنا وأولادي، ومحدش كان بينتج نوعية الأفلام دي فقررت أنتجها.
وحول فكرة اختيارته لنور النبوي بطلًا للفيلم، أوضح طارق الجنايني مازحًا: مكنش ينفع أجيب السقا.. كان لازم يبقى موجود شباب صغيرين ولازم نجرب مع ناس جديدة، وكل فترة بيطلع ناس جديدة وبتنجح، زي ما شوفنا في فيلم سمير وشهيروبهير نجحوا واستمروا من بعد تلك التجربة، وزي ما عملنا مع نجوم كبار أعمال لازم نعمل أعمال بناس جديدة وتنجح.
وعن رأيه في مشاركة مؤدي المهرجانات كزبرة في أولي تجاربه التمثيلية، رد طارق الجنايني: شفت كزبرة في فيديوهات وعجبني ولما عمل الدوروقت البروفات اتفاجئت، وحد قالي هو كزبرة هيعمل دويتو مع أصالة بجد قولتلهم أنتوا مجانين والكورة جزء كبير من الشعب المصري، ودي حاجه تخليهم يتفرجوا على الفيلم.
وأوضح الجنايني، أن فكرة المنافسة بين فيلم الحريفة مع باقي الأفلام المعروضة لا تشغله فهو مؤمن بأن العمل الجيد يشاهده الجمهور، معلقًا: أنا مؤمن إن الحاجة الكويسة الكل بيقدرها وفي أفلام معروضة كتيرة بتخلي الناس تتفرج عليها وأحمد العوضي نازل بفيلم جميل ومحترم وأستاذة إسعاد يونس أيضًا وأتمنى النجاح للجميع.
أبطال فيلم الحريفة
وشارك في فيلم الحريفة بجانب الفنان نور النبوي مجموعة من الفنانين الشباب ومن أبرزهم نور النبوي، أحمد غزي، كزبرة، خالد الذهبي، نور إيهاب،عبد الرحمن محمد، سليم الترك، ومشساركة آخرين من نجوم الفن، بجانب ظهور خاص لبيومي فؤاد وشريف الدسوقي.
