عشان أسامحك هاتي عشيقك أنتقم منه.. اعترافات زوجة خائنة بـ دار السلام
أدلت زوجة المتهم بقتل بائع خضار بعد ضبطه خلال ممارسة العلاقة المحرمة مع زوجته في دار السلام، باعترافات تفصيلية عن كواليس الحادث، وعلاقتها ببائع الخضار قبل مقتله على يد زوجها.
شاب ينهي حياة عشيق زوجته
وقالت الزوجة الخائنة أمام جهات التحقيق إن عشيقها كان يأتي إلى مسكنها لممارسة الرذيلة معها بعد خروج زوجها إلى العمل قائلة: جالي على البيت أول مرة وساعتها جوزي ماكانش موجود وكان بيقفل عليا الباب، خليته ينط من شباك المنور اللي في المطبخ وساعتها دخلنا أوضة النوم، وعاشرني معاشرة الأزواج.
وأكملت الزوجة الخائنة في دار السلام بالتحقيقات أنها استمرت مع عشيقها (بائع الخضار المقتول) لمدة أسبوعين، مارسا خلالهما الرذيلة مستغلة غياب الزوج، قائلة: فضلنا لمدة أسبوعين كان بيجيلي لما جوزي بينزل الشغل مش شرط كل يوم، بمعني إنه ساعات كان بيجي يومين ورا بعض وساعات يفصل يومين في النص ما يجيش فضل الموضوع يتكرر لمدة أسبوعين.
وأردفت الزوجة أن العلاقة المحرمة مع القتيل استمرت حتى كشفتها شقيقة زوجها، بعدما حضرت إليها فوجدت أثار بعثرة توحي بوجود شخص داخل الشقة رفقتها، علاوة على إحداث تلفيات في شباك المنور للهروب من الشقة موضحة: أخت جوزي قعدت تتصل بيا على تليفوني بس أنا كنت قافلاه لأن أشرف (العشيق) عندي في البيت ولقيتها جت على البيت وكان أشرف لسه ماشي.
اعترافات الزوجة الخائنة في دار السلام
وتابعت: هي كان معاها المفتاح بتاع الشقة فتحت ودخلت وسألتني انتي قافلة موبايلك ليه فقولتلها كنت نايمة فساعتها دخلت أوضة النوم ولقت أوضة النوم متبعترة وحست إنه كان معايا حد وبعدها لقت شباك المنور اللي في المطبخ السلك بتاعه مقطوع وساعتها قالتلي قولي الصراحة إنتي كان معاكي حد فأنا قولتلها لا ماكانش معايا حد.
وأضافت الزوجة: وفي اللحظة دي أشرف اتصل بيا والتليفون كان في إيديها وهي ردت عليه وعملت نفسها إنها أنا وقالتله إزيك يا أشرف عامل إيه وهو كلمها كان فاكر إنه أنا وساعتها غلط وقالها جوزك هينزل إمتي بكره عشان أجيلك فساعتها قالتله بكره على الضهر.
واستدرجت شقيقة المتهم عشيق زوجة الأخير إلى داخل الشقة مسرح الجريمة، وما أن دلف داخلها تعدى عليه الزوج ضربا حتى لفظ أنفاسه الأخير، وتم ضبط المتهمين وقررت جهات التحقيق حبسهم على ذمة القضية.
