محمود الليثي: عندي 90 أغنية لسة منزلتهمش بـ 5 مليون جنيه
أعرب المطرب محمود الليثي عن حبه الكبير للموسيقى، مشيرًا إلى أنه صنع حتى الآن 90 أغنية ولم يطرحها بعد.
وقال محمود الليثي خلال استضافته في برنامج وشوشة الذي يقدمه الإعلامي أحمد الهواري ويمنى علي على شاشة قناة النهار: بعتبر إن المزيكا دي كلها بتاعتي اللي اتعملت واللي لسه هتتعمل، أنا بحب المزيكا نفسها مش عشان شهرتها ولا فلوسها، لا أنا معجون فيها.
وأضاف الليثي: الموسيقى بتبسطني وبتخلي حالتي النفسية حلوة، ومن وأنا عندي 11 سنة عايز أكون مطرب، كل مطرب فينا ربنا خالقه بميزة، أنا الوحيد اللي أعرفها.
وأردف محمود الليثي: عندي حوالي 90 أغنية منزلوش لحد دلوقتي، تمنهم حوالي 5 مليون جنيه، كل ما بيبقى عندي فكرة بقوم أعملها وأسجلها في الاستوديو.
أعمال محمود الليثي
ويستعد محمود الليثي لطرح فيلم جديد بعنوان حمص وحلاوة، المقرر عرضه في دور العرض المصرية يوم 18 يناير الجاري، ليتنافس في موسم أفلام رأس السنة.
يشارك في فيلم حمص وحلاوة العديد من الفنانين منهم بدرية طلبة، المطربة أمينة، محمد أسامة، والفيلم من تأليف احمد البدري وإنتاج أحمد السبكي.
وعكف محمود الليثي خلال الفترة الماضية على التعاون مع العديد من الفنانين لتقديم دويتوهات مختلفة خلال أحداث فيلم حمص وحلاوة، مع الفنان حسن شاكوش وحسن الخلعي وحمو بيكا والمطربة أمينة، بالإضافة إلى الفنان عمر كمال في أغنية أخوك يشرف بلد.
