خالد الصاوي يقع في حب رؤى شانوحة بفيلم ليه تعيشها لوحدك؟
يستعد صناع فيلم ليه تعيشها لوحدك؟ بطولة الفنان خالد الصاوي وشريف منير لطرحه يوم 3 يناير المقبل، ضمن أفلام موسم رأس السنة.
وأشارت الفنانة رؤى شانوحة خلال لقائها مع القاهرة 24، إلى أن الفنان خالد الصاوي يقع في حبها خلال أحداث الفيلم، رغم فارق السن الكبير بينهما، وتبادله أيضًا نفس المشاعر، وليس من منطق حب فتاة صغيرة لرجل يكبرها بسنوات عديدة من أجل المال فقط.
وأضافت رؤى: في الأول خوفت وتكلمت مع المخرج الأستاذ حسام الجوهري، وقولت له مش عايزة يحطوا شخصية سهيلة في حتة إن البنت الصغيرة بتحب حد أكبر منها عشان فلوسه فقط، وإن البنت الصغيرة بتحبه عشان قعدته وتعلقت بيه فعلًا، مش عشان بيصرف عليها، وهي حبيته فعلًا، ولكن مش هتكمل معاه وهنعرف في الفيلم ليه.
أما عن رأيها في وجود بوستر مخصص لكلب من أجل الدعايا للفيلم، أردفت رؤى شانوحة مازحةً: أنا غيرت أوي الصراحة، ليه هو عنده بوستر؟ بس هو كيوت ويستاهل.
أبطال فيلم ليه تعيشها لوحدك؟
يشارك في فيلم ليه تعيشها لوحدك؟ العديد من الفنانين، منهم: خالد الصاوي، شريف منير، أمينة شلباية، محمد رضوان، خالد عليش، فاطمة عادل، رؤى شانوحة، والفيلم من تأليف أحمد عزيز، وتحت قيادة المخرج حسام الجوهري.
