نورين شحاتة تناقش حرية الرأي في البيه والهانم: ليه بنعترض لما الست تقول أنا حرة؟
ناقشت الإعلامية نورين شحاتة في برنامجها البيه والهانم، المذاع عبر قناة القاهرة والناس، والتي تقدمه مع الإعلامي ممدوح الشناوي، حرية الرأي، ولماذا يرفض المجتمع أحيانًا حرية رأي المرأة، عكس الرجل.
واستضافت نورين شحاتة في برنامج البيه والهانم الممثلة خلود عز والكاتبة الصحفية محاسن السنوسي، وكشفن وجهة نظرهن في حرية الرأي، خاصة للمرأة.
وقالت نورين شحاتة في مقدمة البرنامج: بنتكلم عن الحرية بشكل والبني آدم بشكل عام، ليه حرية في الرأي حتى لو رأيه غلط، ولكن عنده حرية أنه يتكلم، لكن ليه بقى أول ما الست تتكلم نقف ضدها ونقول إيه ده، ومن حق أي إنسان يعبر عن رأيه، لكن أول ما الست تقول أنا حرة أو يكون ليها آراء نعترض، ما هي حرية.
فيما رد ممدوح الشناوي، من ناحيته، قائلًا: إحنا كرجالة معروفين بالخشونة، قبل أن تسأله نورين: إيه بقى الآراء اللي الست ما ينفعش تقولها قدام الناس؟ ليرد الشناوي: تقول أنا مش عاجبني في الراجل كذا وكذا والراجل لازم يكون فيه كذا، وإحنا اتربينا على ده من قديم الأزل، ما ينفعش الست تقول كده، والسوشيال ميديا أخطر مما تتخيلي، لأنها جوه كل تليفون طفل وبنت وست كبيرة، والسوشيال أصبحت سلاح ذو حدين والوضع بقى مخيف ممكن حد يقول رأي مش صائب فيدمر بيوت جاية تتفتح.
ونصحت نورين المشاهدين: خدوا بالكم من السوشيال ميديا لو حد بيقول رأي مش صائب خاصة لو كان شخص معروف أو كلمته هتأثر على الناس، ولكن مالهاش علاقة برجل أو ست.
وكشفت الممثلة خلود عز مفهومها عن الحرية قائلة: أنا شخص واقعي وكل الستات بتتجوز سواء صالونات أو عن حب، أيا كان، لكن المشاعر الحقيقية من ناحيتها مش بتكون لجوزها، وده رأيي لكن محدش يقدر يقوله ويصرح به.
كما نصحت خلود عز الفتيات أن يفكرن جيدًا قبل الإقدام على خطوة الزواج، قائلة: في بنات بتتجوز علشان الجواز أو علشان البس فستان زي بنت خالتي، أو لأنه مسؤول، لكن المفروض أي بنت تقعد مع نفسها ونشيل الفستان والفرح واللي بحبه لأي غرض ونكون واقعيين ونسأل نفسنا، أنا عاوزة إيه في حياتي؟ هل عاوزة أقعد في البيت ولا أجيب ولاد؟ ولا عاوزة راجل يكون ظهر وسند؟ ويعني إيه يكون ظهر وسند؟.
