سهير جودة تروي تجربتها مع المرض وتنصح الجمهور: بطلوا حزن وبلاش مسكنات
روت الإعلامية سهير جودة تجربتها مع المرض، بعد تعرضها لأزمة صحية مفاجئة، أدت إلى غيابها عن تقديم البرامج خلال الفترة الماضية، كما نصحت الإعلامية متابعيها بعدم استخدام المسكنات، إلا بعد التأكد من تفاصيل الحالة الصحية، مشددة على ضرورة الابتعاد عن الحزن أيضًا.
سهير جودة: بشكر كل الناس اللي دعوا ليّا
وشاركت سهير جودة متابعيها مقطع فيديو عبر حسابه الشخصي بموقع فيسبوك، تحدثت من خلاله عن تجربتها مع المرض، قائلة: بشكر كل الناس اللي دعوا ليّ وافتقدوا وجودي، لأنهم أهم عوامل الشفاء.
وتابعت: الأصدقاء رزق من عند ربنا، وحب الناس أحلى ثروة، وكنت ببقى في عز الألم ولكن في نفس اللحظة في عز الفرح، لما أشوف مين دعالي، لو فضلت أتكلم عن الناس اللي كانوا بعد رحمة ربنا معايا سبب في الشفاء هقول أسماء ناس كتير جدًا.
سهير جودة: قد إيه الروتين العادي ممكن نشتاق إليه
وأضافت سهير جودة: بشكر الدكاترة اللي ربنا بعتهم ليّ، الحمد الله على وجودهم في حياتي، أحاطوني بكل الحب والاهتمام والدعاء، إحساس أن حد خايف عليك ده أروع إحساس، ولكن الحاجات اللي نتعلمها من أي محنه ربنا اختبارنا بيها، هي أن قد إيه الروتين العادي ممكن نشتاق إليه والحاجات اللي شايفنها عبئًا يمكن أن تكون نعمة كبيرة في حياتنا.
كما حرصت سهير جودة على توجيه بعد النصائح لجمهورها، قائلة: بلاش مسكنات ولأزم نعرف التشخيص ونروح للدكاترة ونعمل الفحوصات المطلوبة للاطمئنان على صحتنا لأنها أمانة، وأتمنى ننسى فكرة الحزن المؤجل.
سهير جودة: بلاش نعتبر نفسنا أقوياء
واستكملت سهير جودة: بلاش نعتبر نفسنا أقوياء غير لما نعرف تشخيص حالتنا الصحية، وياريت نهون على نفسنا مش طول الوقت تحت ضغط، ومش أي حاجة تزعجنا، حتى لو في ضغط نتيجة الأحداث اللي بنشوفها والناس اللي بنفقدهم، ولكن في الآخر لأزم نقلل التوتر والخوف من بكرة، المفروض ناخد الدنيا بهدوء، وأكيد ربنا مقدر لنا كل حاجة هتحصل، ولكن لما تحصل وأحنا هاديني أحسن متحصل وإحنا حزننا مؤجل.
