مروان حامد يوضح سبب عدم تصوير فيلمه في عمارة يعقوبيان الحقيقية
تحدث المخرج مروان حامد عن صعوبات فيلم إبراهيم الأبيض بطولة الفنان أحمد السقا، وعن فيلم عمارة يعقوبيان والتصوير في العمارة الحقيقية.
وقال مروان حامد خلال ندوته بمهرجان الجونة السينمائي: قعدت 8 سنين نفسي أعمل فيلم إبراهيم الأبيض ولازم أي فيلم أكون شغوف بيه ومسيطر عليا عشان أخرجه.
وأضاف مروان: أحمد السقا من أهم عناصر نجاح فيلم إبراهيم الأبيض.. ومشهد سور مجرى العيون في إبراهيم الأبيض اخترته بالصدفة وقت تصويري إعلان في الفترة دي واستعنت بيه وقت تصوير الفيلم.
واستكمل مروان حديثه: بخاف شوية من الأكشن ومشاهده عشان كل يوم بنشوف جديد فيها ومثلا إبراهيم الأبيض اخترت مشاهد أكشن موجودة في عالمنا ولازم نصور بشكل آمن والجرافيكس بتكون مقلقة عشان مش كل الناس هتصدقها وعشان كده أشهر المخرجين مبقوش يستخدموه، أو مستخبية وسط عناصر حقيقية كتير.
وعن فيلم عمارة يعقوبيان وتحضيراته، أوضح مروان: فيلم عمارة يعقوبيان كنا عايزين نصور في العمارة الحقيقية، لكن متفقناش إنتاجيا واخترنا العمارة اللي صورنا فيها في الفيلم واحنا بندور في طلعت حرب ولقيناها حل أفضل من الاختيار الحقيقي وأفخم.
آخر أعمال مروان حامد
يعد فيلم كيرة والجن آخر أعمال مروان حامد، وحقق العمل نجاحًا كبيرًا حتى وصلت إيراداته لـ 100 مليون جنيه، وضم العمل عددا كبيرا من النجوم أبرزهم: كريم عبد العزيز، أحمد عز، هند صبري، سيد رجب، وعدد آخر من الفنانين، والعمل من تأليف أحمد مراد.
