مروان حامد: بعدما ما عملت فيلم الأصليين حسيت بحاجات مش واضحة.. وذاكرت أعمال المخرج هيتشكوك
تحدث المخرج مروان حامد عن أفلامه وخاصة فيلم إبراهيم الأبيض بطولة الفنان أحمد السقا وفيلم الأصليين بطولة آسر ياسين، وذلك خلال ندوته في مهرجان الجونة السينمائي.
وقال مروان حامد خلال ندوته في مهرجان الجونة: عباس أبو الحسن كان كاتب فيلم إبراهيم الأبيض بدقة شديدة ووصف كويس العالم ده، وسألته هل الحكايات دي موجودة؟ طلعلي ملف قصائص من جرايد عن حوادث، وكان حاجه بعيدة جدًا عني واستهواني أعرف هذا العالم.
وعن أعماله التشويقية، أوضح مروان حامد: أي حاجة بدخلها لازم اذاكرها الأول، في الأول لما مكنتش عملت تريلر ولما جيت أقدمها أعدت مشاهدة أعمال الفريد هيتشكوك وكلاسيكسيات أسست حاجات أساسية وخلتني أعرف ازاي احكي بصريا النوع ده.
وعن فيلم الأصليين، استكمل مروان حديثه: فيلم الأصليين اتعلمت منه كتير وأنا بعمله غير بعد ما عملته وحسيت أن فيه حاجات مكنتش واضح فيها وتجنبتها في الأعمال اللي قدمتها بعد كده، تجربة مهمة أني أطور من نفسي ولا افترض، فيه شيء في صناعة الأفلام حقيقي الواحد مبيكونش عارف 100 % الموضوع هيخرج ازاي.
مهرجان الجونة السينمائي
كرم مهرجان الجونة السينمائي في دورته السادسة المخرج مروان حامد بجائزة الإنجاز الإبداعي، وأهدى مروان تكريمه لوالده الكاتب الراحل وحيد حامد والفنانين الذي تعامل معهم ومن أبرزهم: الفنان عادل إمام والفنان نور الشريف.
