بدأت بالعتاب وانتهت بالصلح.. هشام ربيع يكشف تفاصيل خلافه مع بوسي: مقرب منها حرضها على المحضر | خاص
كشف رجل الأعمال هشام ربيع، تفاصيل المشاجرة التي جمعته مع طليقته المطربة بوسي، داخل أحد الفنادق الشهيرة بمنطقة التجمع الخامس، والتي وصلت إلى تحرير محاضر بينهما.
وتحدث هشام ربيع في أول تعليق له على الأزمة خلال تصريح خاص لـ القاهرة 24، عن سبب وجوده في الفندق الذي شهد المشاجرة، وقال: كنت موجود في الفندق لأني كنت بحتفل بيوم عيد ميلادي وأصحابي كانوا بيحتفلوا بيا في الفندق عادي.
وتابع هشام ربيع: أنا مش من عوايدي الوجود في فنادق، وبوسي كانت موجودة في نفس الفندق بسبب ظروف شغلها، ومسلمتش عليها بس قلت ليها كنت متخيل إن إنتي هتطلعي أجدع من كده وتسألي عليا، كنوع من أنواع العتاب والغضب اللي كانوا جوايا، وردت بعدها عليا قالتلي لأ أنا كنت بسأل عليك، ومن هنا زاد النقاش بينا.
وحول تعديه لفظيًا على المطربة بوسي بسبب الخلاف بينهما، رد هشام ربيع: الكلام ده محصلش ومفيش أي نوع من السب أو التعدي أو الضرب، والموضوع وصل للمحاضر بسبب وجود طرف بالقرب من بوسي تدخل إننا نعمل محضر في بعض وعملنا بلاغ ولكن اتصالحنا على طول.. وأكبر دليل إننا اتصالحنا من غير محامين ومفيش أي خلاف بينا.
سبب طلاق بوسي وهشام ربيع
وكان قرر هشام ربيع الانفصال عن بوسي بعد زواج عام وأشهر قليلة، بعد خروجه من السجن وبراءته من تهمة الاستيلاء على شيكات من وليد فطين طليق بوسي الأول، مشيرًا إلى أنها لم تقف بجانبه في محنته رغم أنها السبب، وقال حينها في تصريحات لـ القاهرة 24: وقفت معاها وجبت لها حقها، لأنهم كانوا بيبتزوها وعايزين فلوس فملاقوش قدامهم غير إنهم يعملوا لي مشكلة ولفقوا لي قضية، ولما دخلت السجن ملقتهاش جنبي، أم ولادي كانت يوميًا بتنزل تتابع الشغل وتجيبلي أكل.
