شاب ينهي حياة والده وسط الزرايب بالخصوص | تفاصيل
شهدت منطقة الزرايب التابعة لمدينة الخصوص بالقليوبية، واقعة مأساوية حينما أقدم طالب بكلية الحقوق يدعى فؤاد 23 عاما على قتل والده بسلاح أبيض سكين وذلك بعدما تدخل الطالب لفض مشاجرة نشبت بين والده وشقيق والده بسبب الميراث.
شاب يقتل والده وسط الزرايب بالخصوص
تواصل القاهرة 24 مع أسرة المتهم لكشف ملابسات الواقعة وقال شقيق المتهم ويدعى أحمد: أخويا فؤاد محترم ومتعلم وكان في رابعة حقوق وعمره ما عمل مشكله مع حد ويوم الواقعة كان مع أبويا في مشوار وراجعين مع بعض ومفيش أي خلافات بينهما تخليه يقتله.
وأضاف شقيق المتهم: إحنا نزلنا كلنا من البيت على صوت أمي وهي بتصرخ ومحدش فينا شاف إيه اللي حصل بالضبط في الواقعة ولكن أمي قالت إنه مكنش قصده وكان بيحاول يفض المشاجرة اللي بين والده وبين عمه بسبب الميراث وكان بيحاول يخوف عمه بالسكين ولكن عن طريق الخطأ السكينة جت في والده.
وأكمل شقيق المتهم: أخويا تعبان وعنده مشاكل نفسية بقاله فترة وكنت بروح معاه لشيوخ كتير عشان نعرف ماله مكنتش طبيعي، ويوم الواقعة هو اللي راح وسلم نفسه للشرطة واعترف بس هو مكنش عارف هو عمل أيه بالظبط لإنه تعبان نفسيا ومكنش مدرك هو بيعمل إيه.
وواصل شقيق المتهم: أخويا غلبان وعمل كده غصب عنه واتمنى من ربنا إنه يخرج من الأزمة دي على خير.
وكان ورد بلاغ من الأهالي لقسم شرطة الخصوص يفيد بوجود جثة مسن داخل شقة بدائرة القسم، على الفور انتقل رجال المباحث لمكان البلاغ وتبين وجود جثة مسن يدعي علوان 57 عاما ملقاة على الأرض.
وبالمعاينة والفحص تبين أن وراء الحادث نجل المسن صاحب البلاغ ويدعي فؤاد 23 عاما طالب في كلية الحقوق.
وألقت الأجهزة الأمنية القبض على المتهم وتم تحرير محضر بالواقعة وتولت جهات التحقيق التحقيقات.
