كروان مشاكل: كنت بعمل فيديوهات عشان اتشهر وياخدوني أمثل ويبقى معايا فلوس كتير
كشفت التحقيقات في واقعة اتهام كروان مشاكل بطل فيديو المطبخ بالتحريض على الفسق والفجور والتعدي على قيم ومبادئ المجتمع المصري، أن المتهم اشترك مع إنجي حمادة بمقاطع فيديو تضمنت عبارات وإيحاءات جنسية مسيئة ومنافية للآداب العامة وتتضمن التعدي على قيم وعادات المجتمع المصري.
اعترافات كروان مشاكل بالتحقيقات
ويواصل القاهرة 24 نشر اعترافات كروان مشاكل أمام جهات التحقيق، والمتهم فيها بتصوير فيديو داخل مطبخ للحصول على أكبر عدد من المتابعين، والتحصل على مبالغ مالية.
ووجهت جهات التحقيق إلى كروان مشاكل تهم التحريض على الفسق والفجور، والتعدي على قيم ومبادئ المجتمع المصري.
وقال كروان مشاكل أمام جهات التحقيق: أنا بقالي 5 سنين بنشر فيديوهات وأغاني على حسابي الخاص على تيك توك، وعملت أكتر من حساب على مواقع التواصل الاجتماعي، عشان عايز أتشهر وأجيب فلوس وأعمل عملية في رجلي وارجع امشي كويس لأني بعاني من مرض فيها.
وتابع كروان مشاكل: أنا أول فيديو عملته ونزلته كنت يعنى فيه اغنية شعبية مع واحدة جارتنا، والفيديو ده اتشهر وبقى تريند وعملت فيديو كمان مع واحد، وكنا بنضرب فيها بعض بطريقة مضحكة والفيديوهات اتشهرت، وبقيت تريند وكنا مطلعين فيه التريند بكلمة جرين برجر واتعملي خطر بعد كده على الحساب عشان الفيديوهات كانت فيها نار ودخان.
وجاء نص التحقيقات كما يلي:
س: وما هو التصرف الذي بدر منك عقب حظر ذلك الحساب؟
ج: أنا عملت الحسابين اللي أنا قلت عليهم وابتديت أعمل فيديوهات مع ناس بتركب معايا التوكتوك مقابل إني أديهم أربعين أو خمسين جنيه علشان يتصورا معايا، وانزل الفيديو عشان اتشهر وياخدوني في أي مسلسل ويبقى معايا فلوس.
س: وما هو محتوى تلك المقاطع سالفة البيان تحديدا؟
ج: إحنا كنا بنطلع في الفيديوهات دى نعمل أي حاجة عشان نضحك الناس، سواء كلام يطلع تريند أو لا، وانا أصلا طريقة كلامي لوحدها بتضحك.
س: وما هو عدد المتابعين على تلك الحسابات؟
ج: أنا عندى على صفة الكروان مشاكل 843 ألف متابع، وعلى صفحة الكروان مشاكل الاحتياطي عندي 63 ألف متابع.
س: وما هو المانع الكودي الخاص بتلك الحسابات؟
ج: هو لما يكتب رقم التليفون بيبعتلي رسالة على الموبايل فيه كود يفتح الحساب.
س: وما هو المحتوى الذي تقوم بنشره على تلك الحسابات الخاصة بك؟
ج: أنا يقدم عليها فيديوهات كوميدية وكمان بغني وبرقص في فيديوهات وساعات يبقى لوحدى في الفيديوهات وساعات ببقى معايا ناس.
س: وما هو الغرض من نشر تلك المقاطع على ذلك التطبيق؟
ج: علشان الشهرة والفلوس.
س: وما هو المقابل الذي تتقاضاه من ذلك التطبيق؟
ج: أنا بكسب فلوس من اللايفات اللي بطلعها يعنى تقريبا بيدخلي في اليوم حوالي مائة جنيه.
