أحمد الدمرداش: حبيت واحدة أكبر مني بـ 12 سنة.. وما كانش عندي مشكلة أتجوز سيدة أكبر مني بـ 20 سنة
تحدث الفنان أحمد الدمرداش، عن علاقته العاطفية قبل الزواج، مشيرًا إلى أنه كان يحب فتاة تكبره بـ 12 عام، وكان لا يمانع من الزواج بسيدة تكبره بـ 20 سنة.
وقال أحمد الدمرداش في لقائه مع القاهرة 24: زمان كنت ممكن أتجوز حد أكبر مني في السن وكان ممكن أتجوز واحدة أكبر مني بـ 20 سنة وبشوف أنه طبيعي أن الراجل يكون أصغر من مراته بعدد سنين كبير مش قليل بس تكون عارفة تحتويه وتحسسه بمكانته.
وأضاف أحمد الدمرداش: ممكن واحد عنده 20 سنة يحب واحدة عندها 40 سنة حب صادق دي حاجة طبيعة إحنا اللي شايفين إنها مش طبيعية، وأنا مريت بالتجربة دي لما كنت في أول سنة بالمعهد حبيت واحدة أكبر مني بـ 12 سنة وكنت خايف أقول لأهلي أني بحب حد أكبر مني بالعمر ده كله.. خاصة لأن ثقافتنا بتقول ده شيء غريب.. ولما اتكلمت معاهم قالوا لي إنهم معندهمش مشكلة أبدا، ولو أنت مرتاح مفيش أي مشاكل، لأني تعبت أهلي أوي وكان عندهم ثقة أن القرار ده مش هيتنفذ ولو كنت عملت كده كانوا هيستمرو معايا عادي.
أحمد الدمرداش يكشف سبب ابتعاده عن التمثيل
وفي سياق آخر، كشف أحمد الدمرداش، سبب ابتعاده عن التمثيل خلال الفترة الأخيرة، قائلًا: ابتعدت عن الفن لما حسيت أن دخلي المادي غير مستقر في المهنة، خصوصًا بعد الثورة، وأنا مبعرفش أبقى قاعد بدون شغل، علشان كدة دخلت في شغل تاني وسافرت الصين، والدنيا خدتني.
