ناردين فرج: راضية عن نفسي كإعلامية.. ولسة محتاجة خبرة في التمثيل
تحدثت الفنانة ناردين فرج، عن إمكانية تركها مجال الإعلام والتفرغ الكامل للتمثيل، مؤكدة أنها راضية تمامًا عن ما وصلت له كإعلامية.
وقالت ناردين فرج، في تصريح خاص لـ القاهرة 24: أنا نادرين كإعلامية بقالي أكتر من 10 سنين، وكممثلة بقالي نحو 5 سنين، فمقدرش أقارن 12 سنة بـ 5 سنين، وأنا لسة محتاجة كتير أوي في التمثيل علشان أوصل لحتة أنا راضية فيها عن نفسي.
وأضافت ناردين فرج: لكن كإعلامية أنا راضية عن نفسي جدًا وشايفة إن أنا مفيش حاجات نفسي أعملها معملتهاش، ولسة مخدتش قرار إذا كنت هسيب الإعلام وأكمل كممثلة، التمثيل شاددني أكتر وعايزة أطور من موهبتي ومع الخبرة بتطوري وقدام الكاميرا بتطوري، وكإعلامية أنا خدت خبرة كبيرة أوي، ولكن مش حاسة إني عايزة أبطل حاجة خاصة إني مقلة أوي في الإذاعة وبختار اللي نفسه أعمله.
ناردين فرج
ويعتبر مسلسل صوت وصورة، هو آخر أعمال الفنانة ناردين فرج، والذي عُرض الفترة الماضية وحقق نجاحًا كبيرًا منذ عرض أولى حلقاته.
ومسلسل صوت وصورة ناقش عددًا كبيرًا من القضايا أبرزها مخاطر مواقع التواصل الاجتماعي، وتعامل الأطفال معها، وتعامل الآباء مع أولادهم بعد الانفصال، وغيرها من القضايا والظواهر الاجتماعية، التي نعاصرها، لذلك لقي العمل إقبالًا من الجمهور.
أبطال مسلسل صوت وصورة
مسلسل صوت وصورة بطولة حنان مطاوع، صدقي صخر، عمرو وهبه، ناردين فرج، مراد مكرم، وليد فواز، نجلاء بدر، فدوى عابد ومن تأليف محمد سليمان عبد المالك، وإخراج محمود عبد التواب.
