رانيا يوسف عن طليقها محمد مختار: مبيصرفش بقاله 13 سنة ورافض الود.. وانسحب كأنه مالوش بنات
تحدثت الفنانة رانيا يوسف، عن علاقة ابنتيها بوالدهما المنتج محمد مختار، والتي أكدت أنه انسحب تمامًا من حياتهما ويرفض وجود أي علاقة بينهم.
وقالت رانيا يوسف في تصريحات تلفزيونية: أكبر ثمن دفعته في حياتي هو 12 سنة من عمري مع أبو بناتي، وأنا اتجوزته هربًا من تحكمات أمي فيا، في أوقات كنت سعيدة معاه وخاصة لما خلفت بناتي نانسي وياسمين دي أكتر فترة في عمري كنت فيها سعيدة لأني بحب الأطفال جدًا، وكان نفسي يبقى عندي بنت وربنا كرمني بـ ياسمين ونانسي، وعشت طفولتي معاهم وكل اللي لعب اللي اتحرمت منها وأنا صغيرة جبتها لبناتي.
رانيا يوسف: لو محمد مختار بيصرف على بناته كنا روحنا المحاكم؟
أما عن العلاقة بين طليقها المنتج محمد مختار وابنتيهما، فعلقت رانيا يوسف، قائلة: أنا حاولت كتير نكون على ود وهو رفض، وبناتي راحوا له وهو مقابلهمش ورفض يفتح الباب وبيرجعوا يعيطوا، وبقول آه أنتم اتحرمتوا من أبوكم برضاه ومحدش بيختار أمه وأبوه، ووالدهما مبيساعدش بأي حاجة بقاله من 13 سنة ولما يقف قدام ربنا يبقى يقول أنه بيصرف.
وتابعت رانيا يوسف: لو هو بيصرف عليهما من الأول كنا هنروح المحاكم؟
وفي الآخر 10 آلاف جنيه بعد المحاكم دول هيصرفوا على بنتين؟
هو انسحب ولا كأن له بنات دا الواحد بيربي قطة بيرتبط بيها مش عارفة جاب القسوة دي منين.
