مطالبة بدفع 200 ألف جنيه.. القصة الكاملة لأزمة بوسي وسعد الصغير بعد تصريحاته مع القاهرة 24
أثار الفنان سعد الصغير جدلًا واسعًا عبر مواقع التواصل الاجتماعي، بعد تصريحاته الأخيرة مع القاهرة 24، التي طالب فيها المطربة بوسي بدفع 200 تعويضًا، عن الأدوات المنزلية التي تحصلت عليها من الشقة التي كان يسكن فيها والدها قبل وفاته، إذ أشار إلى أنها ليس لها الحق في أخذ مستلزمات الشقة لأنها ليست ملكًا لها.
أزمة بوسي وسعد الصغير
وترجع بداية الأزمة بين سعد الصغير والمطربة بوسي، عندما طالبها خلال الساعات الماضية بدفع 200 ألف جنيه تعويضًا، عن ما أخدته من أدوات منزليه ليس من حقها، حيث قال في تصريحاته لـ القاهرة 24: كنت جايب طلبات لأبوها ومفروشات بـ 200 ألف، وبعد وفاته أخدت بوسي الشقة بما فيها لأن الشقة كانت ملكها، وقالت لأخواتها دفعت الفلوس لسعد الصغير وأنا مخدتش ولا مليم.
أضاف سعد الصغير: بطالب بوسي إنها تتبرع بالفلوس بتاعتي لأهالي غزة، أو تبعت لي فلوسي، على الرغم من أن أهالي غزة عندهم كرامة، مش هياخدوا حاجة حد نام عليها، ولكن ممكن نبيع المفروشات دي ونتبرع بفلوسها أو نجيب حاجة جديدة وأنا أكمل معنديش مشكلة.
سعد الصغير: ليه بوسي تاخد 100 ألف
كما تطرق سعد الصغير للحديث عن أجر بوسي، مستنكرًا ما تتقاضاه، حيث قال: بوسي دلوقتي أجرها 100 ألف جنيه، بعد ما كانت بتاخد 50 ألف، ومحمود الليثي ياخد 50 ألف، وأنا 50 وهي 100 ليه؟!.
استكمل سعد: لما بيكون عندها فرح بتاخد 300 ألف، بعد ما كانت بتأخد 100 ألف، عشان كده مش بنشوفها في أفراح، إحنا المطربين الشعبين محدش عدى 100 ألف، ولا الـ 70 ألف حتى غير الأستاذ حكيم.
أزمات في حياة بوسي
ولم تكن هذه الأزمة الوحيد التي تمر بها بوسي خلال هذه الفترة، في خلال الأيام الماضية انفصلت بوسي عن رجل الأعمال هشام ربيع، بعد عام ونصف من الزواج، الأمر الذي أثار تساءل الكثيرون من حبيها وجمهورها على السوشيال ميديا.
وأوضح هشام ربيع أسباب الانفصال، قائلًا: إنه تم الانفصال رسميًا بينه وبين بوسي، وذلك بسبب عدم وقوفها بجانبه في أزمة دخوله السجن.
هشام ربيع طليق بوسي: هو أنا راجل معنديش مبدأ هرمي مراتي وعيالي عشان خاطر بوسي
وأضاف رجل الأعمال هشام ربيع في حديثه مع القاهرة 24: أؤكد أني لما تزوجت من بوسي كنت منفصل عن منة، أنا مش راجل مزواج ولا فاضي للزوجات والستات، هو أنا راجل معنديش مبدأ هرمي مراتي وعيالي عشان خاطر بوسي؟، دي لو إنجلينا جولي مش هعمل كده، وربنا بيظهر الحق مدام نيتك سليمة وبيعرف أنت ظالم ولا مظلوم.
سعد الصغير: لو كانت عاشت مع هشام ربيع كانت هتبقى مليارديرة
ومن جانبه علق سعد الصغير على طلاق بوسي من هشام ربيع، قائلًا: هشام ربيع كان لازم يطلق بوسي، عشان هي كانت وخداه عشان فلوسه، هي لحقت تحبه أمته، بدليل الألفاظ اللي قلتها يوم فرحها هي لو بتحبه كانت قالت عليا الطلاق أبوظ الجوازة، ده يدل أن مفيش حب.
أكمل سعد الصغير حديثه قائلًا: اللي مقوي قلب بوسي الفلوس، لكن لو ليها كبير كانت عرفت أن اللي بتعمله غلط، لما هشام دخل السجن، بوسي مكنتش بتزوره عشان عليها قضايا وممنوعة من السفر، والطلاق ده تم غضب من ربنا وذنب أبوها.. لو كانت عاشت مع هشام ربيع كانت هتبقى مليارديرة.
ومن جانبه، تجاهلت بوسي الرد على سعد الصغير، زلم تعلق على تصريحاته حتى الآن، حيث التزمت الفنانة الصمت وقررت تجاهل الرد على سعد الصغير.
