بضحكة مجلجلة ودراجة قديمة.. الطيب أشهر ديلفري للمشروبات الساخنة بالأقصر: بشتغل من 30 سنة
خطف قلوب الأقصريين بضحكته المجلجلة كما يسميها البعض ووجهه البشوش وابتسامته الصافية، وبدراجة قديمة استطاع الطيب أن يكون أقدم وأشهر ديلفري للمشروبات الساخنة بالأقصر.
بضحكة مجلجلة ودراجة.. الطيب أشهر طيار ديلفري للمشروبات الساخنة بالأقصر
وقال الطيب لـ القاهرة 24: أعمل منذ 30 عاما مكافحا من أجل لقمة العيش الحلال الكريمة، ومفيش أحلى من أنك تتعب علشان تحس بطعم المكسب وفضل ربنا عليك.
وأضاف الطيب: الحمد لله عرفت أكسب حب الناس وثقتهم بالمعاملة الطيبة الأمينة والضحكة والابتسامة، والإنسان لازم يكون بشوش الناس فيها اللي مكفيها وبقدم كل المشروبات الساخنة بأنواعها المختلفة.
الطيب: السرعة مهمة في توصيل الطلبات
وقال الطيب: السرعة مهمة في شغلانتي علشان كدة بالدراجة بوصل الطلبات بسرعة وبيكون معايا أكتر من طلب، والناس بتتصل بيا وبتكون مستعجلة ولازم أكون على قد ثقتهم.
وتابع الطيب: أهم حاجة عندي النظافة علشان كده ابتكرت طريقة بغسل وأنضف بيها الكوبيات بسرعة، وفي نفس الوقت بخليها تلمع كأنها جديدة.
الطيب ينصح الشباب: اتعبوا وعافروا ومتستعجلوش
وقال الطيب: الحمد لله.. كل اللي بتمناه رضى ربنا والرزق الحلال.. وده ربنا ترجمهولي في محبة الناس وإقبالهم عليا، ونصيحتي للشباب اصبروا وعافروا ومتستعجلوش الرزق، وأهم حاجة لما تشتغلوا اشتغلوا بحب وضمير، وربنا هو المعطي.
