عمرو أديب: انتوا بتصدقوا الحكومة.. الكهرباء هتقطع أكتر من ساعتين لأن الظروف كدا
سياسة
عمرو أديب
تحدث الإعلامي عمرو أديب عن أزمة انقطاع التيار الكهربائي، بعد زيادة فترة تخفيف الأحمال لمدة ساعتين، قائلا: وجدت العديد من الأشخاص يتحدثون عن انقطاع الكهرباء لأكثر من ساعتين، مردفا “انتوا بتصدقوا الحكومة”.
عمرو أديب: الحكومة متقدرش تعمل أكتر من اللي بتعمله خلينا صرحاء
وأضاف عمرو أديب خلال تقديم برنامجه الحكاية: الحكومة متقدرش تعمل أكتر من كدا، وفي الأول قالوا أسبوع وسبتمبر ونوفمبر عدوا.. وقالوا ساعة وبعدين ساعتين.
كما تابع: وفي ناس بتقول لو زاد عن ساعتين بلغ، الحكومة متقدرش تعمل أكتر من اللي بتعمله خلينا صرحاء.. وأنا بقولك الحقيقة إنها هتتقطع ساعتين وساعتين وربع.
وأكمل: هو أحنا دلوقتي بقينا نتفاوض هما ساعتين ولا ساعتين ونص.. ما هو كتير الساعتين.. ومش عايزك تكون قاعد مستني أن أي حاجة تكون بتتقال هتتعمل.. احنا سمعنا وعود ولا حاجة منها حصلت.. وهوا ميقدرش يعمل أكتر من كدا لأن ظروفه كدا.
