مطرب المهرجان علي قدورة يعلن اعتزاله: أنا بريء من كل مزيكا عملتها في حياتي.. وبدأت أشتغل بالحلال
أعلن مطرب المهرجانات الشعبية علي عبد القادر السيد، الشهير بـ علي قدورة، اعتزاله الفن نهائيا، مؤكدًا أنه سيبدأ من مرحلة الصفر مرة أخرى.
اعتزال علي قدورة
ونشر علي قدورة صورة له من أمام الكعبة، عبر حسابه الشخصي بموقع التواصل الاجتماعي، وكتب: السلام عليكم في يوم جمعة مبارك.. أنا علي عبد القادر السيد، الشهير بـ علي قدورة، كنت مغني قبل النهاردة، في حاجة حصلتلي مش عارف إيه هي بس الحاجة دي هي اللي بتخليني اتكلم دلوقتي.
وتابع: أنا بريء من كل عمل أو مزيكا عملتها في حياتي وبعلن اعتزالي مجال الأغاني لحد ما يفتكرني ربنا، ويارب سامحني عن أي حاجة أنا عملتها في حياتي أو أي حاجة صدرت مني.
وأضاف: يارب قربني ليك وافتحلي باب رزق يرضيك، ومفيهاش حاجة لو بدأت من جديد في أي شغل بالحلال وأي فلوس معايا أنا هسيبها بالرضى لأهلي، ومش عارف هيبقي الصح إيه وهبقي لا امتلك إلا صفر، وربنا يثبتني في الطريق ده ومش هطول عليكم بس دي نيتي، وربنا كريم وكبير وغفور رحيم.
