مخرج مسرحية سيد درويش عن التسريب الصوتي لـ ميدو عادل: موجه لمسئولي قاعة العرض
علق أشرف عزب مخرج مسرحية سيد درويش على تداول التسريب الصوتي للفنان ميدو عادل المنتشر على مختلف مواقع التواصل الاجتماعي، الذي ينفعل خلاله ميدو ومنسوبًا إليه من بروفات مسرحية سيد درويش.
وقال المخرج أشرف عزب خلال تصريحات خاصة لـ القاهرة 24: مكنش انفعال ميدو عادل في بروفات المسرحية، بل كان في الكواليس، في يوم كنا بنعرض في قاعة سيد درويش في الهرم، والقاعة عملوا معانا شغل وحش جدًا وتعمدوا يعملوا حركات وحشة مع ميدو، ويلعبوا في الصوت ويزودوا سرعة الرقصات، والإضاءة بتنزل في أماكن غلط، وأنا مصور بعض الحاجات ديه.
وأردف: وده إدانة للقاعة في آخر يوم عرض، وكان ميدو بيتكلم في الكواليس عن الناس بتوع القاعة، وعن الفشل ده، وعن اللي مبوظين العرض، ولكن ده كان قبل ما يبدأ العرض ومكنش قدام الجمهور.
وتابع المخرج أشرف عزب: مع بداية العرض لما كان بيبقى فيه أخطاء كان بيبصلهم ويضحك، ولما كان بيبص على كابينة الصوت كان يلاقي أستاذة لقاء سويدان فوق، وكانت أستاذة لقاء متفقة مع الأستاذ محمود مخيمر إننا ننقل العرض عنده في قاعة سيد درويش في الهرم.
تسريب صوتي لـ ميدو عادل
وتم تسريب تسجيل صوتي للفنان ميدو عادل من كواليس مسرحية سيد درويش، منفعلًا خلاله، ويقول: يا شوية فشلة كلكم.. فاكرين نفسكم بني آدمين؟! وأنتو أتفه من كده بكتير.. وكل واحد عارف نفسه كويس.. شوفوا شغلكم بقى.. مش أنتو شطار وكبار.. دوروها أنتو بقى.
