عفاف رشاد: كونت نفسي بنفسي.. وأنا واخدة حقي في الفن والشغل رزق من ربنا
قالت الفنانة عفاف رشاد، إنها لم تأخذ حقها من الفن، ولكنها تشعر بالرضا التام عن مشوارها وعن كل ما قدمته لجمهورها.
وأضافت عفاف رشاد خلال تصريحات خاصة لـ القاهرة 24: بالفعل أعمالي موجودة والناس عارفاني وفيه أعمال كتير بتتعرض عليا، والحمد لله موجودة بشكل كبير، بس المشكلة مش فيا كشخصي لكن المشكلة الجيل الجديد اللي دخل علينا وكلهم شاطرين.
عفاف راشد: الشغل ده رزق من عند ربنا
وأردفت عفاف رشاد قائلة: الناس حقها تشوف وجوه جديدة، والشغل ده رزق من عند ربنا، وأنا لو ليا نصيب أشتغل هشتغل، وبكون مبسوطة جدًا لما بيتعرض عليا عمل جديد وبحس إني موجودة.
وأضافت عفاف: أنا عندي رضا تام وبقول الحمد لله في اللي أنا قدمته، ومبسوطة إني عملت نفسي بنفسي ومحدش ساعدني، وده شيء بيشرفني وبيبسطني وبيريحني نفسيًا أكتر، وبتبسط بأي عمل بيجيلي وبقدمه بسلاسة، يهمني العمل يعجب الجمهور والناس حباني لكن مش فارق معايا عملت عمل زي عملت 100.
وكانت الفنانة عفاف رشاد شاركت في مسلسل تحت الوصاية، الذي عرض في موسم رمضان ماضي لعام 2023، حيث ضم العمل عددا كبيرا من الفنانين، أبرزهم: دياب، نسرين أمين، مها نصار، خالد كمال، رشدي الشامي، وغيرهم من الفنانين والمسلسل من تأليف خالد دياب وشيرين دياب ومن إخراج محمد شاكر خضير.
