أبرز تصريحات صلاح عبد الله في صاحبة السعادة: نور الشريف كان عايز يعمل دوري في فيلم دم الغزال
حل الفنان صلاح عبد الله ضيفًا على الإعلامية إسعاد يونس ببرنامج صاحبة السعادة، وكشف خلال الحلقة كواليس عدد من أعماله الفنية، بالإضافة إلى كشفه سبب رفضه دخول ابنته الكبرى مجال التمثيل.
ونستعرض في السطور التالية أبرز تصريحات صلاح عبد الله في صاحبة السعادة:
-أشفقت على بنتي من تعب مهنة التمثيل لأني شوفت زميلاتي بيتعبوا إزاي وبنصور بالـ 20 ساعة.
-كنت هعتذر عن مسلسل ريا وسكينة في البداية لأن ظروفي كانت صعبة وكنت مربوط بكذا عمل.
-عادل إمام بهدلني في التليفون لما قولتله معرفش مين قتل ابن سعد الدالي.
-نور الشريف ربنا جعله سبب لمخرجين كبار.
-السوشيال ميديا ممكن تحبط الناس وأي حد بيناقشني بالتطاول بعرف أن ده عايز يكرهني فيها.
-داود عبد السيد سألني تفتكر الناس هتلومني على اختيار شعبان عبد الرحيم في فيلم مواطن ومخبر وحرامي وقلتله إطلاقا.
-المخرج شاكر عبد اللطيف له الفضل في نقلتي المسرحية وهو اللي قدمني لـ محمد صبحي.
وحيد حامد كان مصمم أجسد دور عبد الستار في دم الغزال ونور الشريف لما قراه قال أنا عايز أعمل الدور ده وبعدين قال صح ده دور صلاح عبد الله.
-نور الشريف كان بيحتضن المواهب الجديدة ومسلسل الدالي كل اللي كانوا فيه شباب ودلوقتي نجوم كبار.
-بحمد ربنا إني عملت ريا وسكينة ولما بيتذاع للمرة الألف دلوقتي بينجح كل مرة أكتر من العرض الأول.
آخر أعمال صلاح عبد الله
يعد مسلسل ليه لأ 3، آخر أعمال صلاح عبد الله التليفزيونية، والذي جسد به دور والد الفنانة نيللي كريم، وضم العمل العديد من الفنانين، أبرزهم الفنان أحمد طارق، نادين، فريدة رجب، معتز هشام، وغيرهم، والعمل من إخراج نادين خان.
