محمود صيام عضو فرقة مسار إجباري: أهدي أغنية آسف لابنتي.. ولا نعارض فكرة الديو مع أي لون غنائي
تحدث محمود صيام، أحد أعضاء فرقة مسار إجباري عن كواليس أحدث أغانيهم أسف، من مينى ألبوم نص الحاجات، كاشفًا معايير الاختيار لأغانيهم.
وقال محمود صيام في تصريح لـ القاهرة 24: أغنية أسف من كلمات الشاعر محمد البحيري، وليس أول تعاون يجمعه مع فرقة مسار إجباري، وأغنية أسف جميلة جدًا وحبيتها، وأهدي أغنية أسف لبنتي مريم عشان طول الوقت ببقى مسافر.
وتابع محمود صيام: نفسي أعتذر ليها وسايب بنتي براحتها خالص تعمل اللي عايزاه، ودائما مشغولين كفكرة مسار إجباري بالسفر، وكنا بغني الأول برا وجوا مصر وموضوع السفر مهم جدًا.
وعن معايير اختيار فرقة مسار إجباري لأغانيهم، حيث أوضح: التريند بيجي لينا لوحده لكن لما تعمل شغل قوي، وفي قيمة كويسة بيعرض نفسه على الساحة لوحدها.
وحول مشاريع فرقة مسار إجباري، أوضح محمود صيام: عندنا مشروع وألبوم كبير بنحضر له وإحنا كفرقة مسار إجباري مش بنعترض للتعاون على أي لون.
وجاءت كلمات أغنية أسف كالتالي: أسف لكل اللي اعتزلته كل متعشم خذلته كل باب مفتوح قفلته من غير كلام.. أسف لقلة الاهتمام وبردو أسف عالزيادة أسف إني مشيت اوام وإني مش مصدر سعادة أسف إني مفيش إعادة إني اصلح حاجة بينا.. أسف إني عندي عادة بنسى لو كان إيه ما بيننا.. أسف عشان كل امتحان أنا كنت بسقط أسف إني لسه بغلط.
