كارمن سليمان تكشف عن إمكانية تعاونها مع زوجها مصطفى جاد في ديو جديد
أعربت الفنانة كارمن سليمان عن سعادتها بتعاونها الدائم مع زوجها الملحن والمنتج مصطفى جاد، مشيرةً إلى أنه في خططهما القادمة وجود أغنية تجمعهما كديو.
وقالت كارمن سليمان خلال لقائها مع القاهرة 24: إحنا بنشتغل مع بعض عمومًا كمطربة وملحن وكمان استنوا أغنية دراما فظيعة من إنتاجه، أغنية حلوة أوي بجد ومتحمسة ليها أوي.
أما عن إمكانية تعاونهما في ديو، أردف مصطفى جاد: أما ييجي وقته؛ لانه مهم بالنسة لينا احنا الاتنين مغنيناش مع بعض دويتو خالص لمجرد إنه لازم يتعمل، ولما وقته يجي هيبقى مخدوم حلو، ومش معنى إن هي بتغني وأنا بلحن وبنتج إننا لازم نغني مع بعض.
وعن نجاح أغنية يا جمالك وإعادة تقديمها بطريقة ريمكس، تابعت كارمن سليمان: الحمد لله يا جمالك كنت عامله حسابي إني هعمل حاجة بس للهزار -ريمكس-، مكنتش عامله حسابي إن الناس هتعتبرها أغنية جديدة.
وعن سبب تعاونها الدائم في الإنتاج مع زوجه مصطفى جاد، أضافت كارمن سليمان: عن نفسي بحب ابقى براحتي، مبحبش يبقى فيه ضغط وأكتر من رأي، ويمكن اختارت الطريق الأريح بالنسبة لي.
تعاون كارمن سليمان مع عمرو مصطفى
كما تطرقت كارمن سليمان في الحديث عن تعاونها مع الفنان عمرو مصطفى في أغنية روقاني من ألحانه، وأشارت إلى أنه قام بتلحينها ببلاش، وتعتبرها أول تعاون يجمعهما.
