منة قدري تكشف أسباب انفصالها عن عبده نجم: مش هرتبط تاني.. وكنت حاسة أنها مرحلة أطفال
انفصل منذ أيام أصغر عروسين في مصر منة قدري وعبده نجم، وذلك بعد نشوب عدة مشاكل بين الثنائي، وتواصل القاهرة مع منه قدري للكشف عن تفاصيل انفصالها.
منة قدري تكشف أسباب انفصالها عن عبده نجم
وتحدثت منة قدري في تصريحات خاصة لـ القاهرة 24 عن تفاصيل انفصالها من عبد نجم قائلة: الانفصال حصل لما عبد كلمني، وقالي أنتي متزلزمنيش، ومش عاوز أعرفك تاني، وعمل كده عشان كنت بظهر مع المطرب أحمد جيكا في فيديوهات والناس كانت بتقول عليه كيس جوافة، وكنت بظهر معاه في فيديوهات لأننا أولاد شركة واحدة.
وتابعت: وبعدها قالي ميفعش تكملي موضوع ده، وانتي شايفاني بشتم وساكته، لأن ده شغلنا، وكنا بنتعرض أنا وعبده قبل كده لتعليقات سلبية كتير، وأنا استغربت من أنه ركز دلوقتي مع كلام الناس والشتيمة، وسبب انفصالنا تافه جدًا بالنسبة لي.
وعن المشاكل بينها وبين عبد نجم بعد الانفصال، قالت منة: بعد انفصالنا قعد يقول كلام عليا، وقفل الأكونت بتاعي، وبرغم كده أغنيتي الجديدة طلعت تريند مطلعتوش رجالة، وبرغم أننا مسجلينها قبل الانفصال، لكن الأغنية بتوصفه، وأنا مركزة في شغلي، وهو كان مفكر أن الي حصل ده هيخليني أسيب الشغل لكن حصل العكس.
وبالنسبة لرأي الأهل على موضوع الانفصال فقالت منة قدري: أهلى ما كنوش معترضين على موضوع الانفصال، وكل صحابي والناس بتدعمني، وهبدأ أعقل ومش بفكر في الارتباط تاني في سن صغير، وكنت حاسة الموضوع ارتباط أطفال، وهو فاكر إن باللي عمله ده الناس هتكرهني، لكن فيه ناس كتير بتدعمني وبتحبني.
