أحمد مراد: أنا بناتي مبيقروش بالعربي.. وإحنا مبنكتبش كويس
أكد الكاتب الروائي أحمد مراد أن بناته لا يقرأن باللغة العربية والجيل الحالي مظلوم بسبب الكثرة المعلوماتية الكبيرة التي يعيشها ولا يمكن أن نعيب عليهم أنهم لا يقرأون.
أحمد مراد: أنا بناتي مبيقروش بالعربي.. وإحنا مبنكتبش كويس
وقال أحمد مراد، في كلمة له خلال حفل توزيع روايات مصرية للجيب بالمسرح الصغير في دار الأوبر المصرية: إحنا مش بس بنواجه سوشيال ميديا وتيك توك وانبساط، ده بنواجه جيل معندوش استعداد يقرا بالعربي أصلا من الأطفال.
وتابع أحمد مراد: أنا بناتي مبيقروش بالعربي.. مبيحبوش يقروا بالعربي مش مقتنعين بالقلم العربي يكتب لأنهم بالنسبة لهم مشافوش فيه أي انبهار ولا شافوا كتاب مثير مليء بالكوميكس، مضيفا: عندنا عقدة من فكرة الأجنبي هوا اللي يقول.. دايما في الأطفال كل واحد عايز يدخل ابنه مدرسة انجليزي ويسافر بره.
وأردف أحمد مراد: الجيل مظلوم بالكثرة المعلوماتية.. عمري ما هعيب على القارئ إنه الأجيال مبتقراش وأن الأجيال مبتفهمش.. إحنا اللي مبنكتبش كويس وإحنا اللي لازم نكتب عدل عشان الأجيال تقرا كويس وعشان يحسوا في الآخر أنهم قدام منتج والمنتج الكويس هوا اللي بيدوم مينفعش أن أنا ألوم القراء.
جدير بالذكر أن الكاتب أحمد مراد صدرت له 7 روايات هي: 1919، فيرتيجو، موسم صيد الغزلان، تراب الماس، أرض الإله، الفيل الأزرق، ولوكاندة بير الوطاويط، ومن المقرر أن تصدرروايته الثامنة قريبا.
