ابنة محمد عبد الوهاب عن أغنية لا مش أنا اللي أبكي بصوت فاطمة السعيد: دمعت لما سمعتها
علقت عصمت عبد الوهاب ابنة الموسيقار محمد عبد الوهاب على مبادرة مغنية الأوبرا المصرية العالمية فاطمة سعيد بخصوص أول أغنية من ألبومها الجديد، الذي تخصصه لتخليد ذكرى موسيقار الأجيال محمد عبدالوهاب.
وقالت عصمت عبد الوهاب خلال تصريحات تليفزيونية: سعيدة جدًا ودمعت لما بعتتلي الفيديو مقدرتش أقاوم الإحساس الجميل.. وهي ليست غريبة عني فهي تعرف ابني في وقت الصغر وكانوا بيلعبوا تنس وهما صغيرين وقابلتها في برلين وتعرفت عليها وبقت علاقتها بيا شخصية.
وأضافت عصمت ابنة محمد عبد الوهاب: عينيا دمعت لما سمعت السوبرانو فاطمة سعيد تغني أغنية لا مش أنا اللي أبكي.. والفرقة الموسيقية الخاصة لـ فاطمة نقلت لحن الأغنية، ولكن الأداء مختلف.. وسعيدة بأن والدي قدم الكثير وما زال يعيش في وجدان كل الناس.
وفي سياق آخر، تحدثت ابنة محمد عبد الوهاب، عن طفولة والدها، مؤكدة أن عائلته رفضت رفضًا قاطعًا دخوله عالم الفن والغناء.
وقالت ابنة محمد عبد الوهاب، في تصريحات تليفزيونية سابقة: والدي كان من عيلة كلهم شيوخ، ومكانش عندهم حاجة اسمها فن ولا مزيكا، وعمل كل اللي يقدر عليه علشان يوصل للفن اللي بيحبه.
وأردفت: عائلته وقفت ضده كتير أوي وعملوا له مشاكل كتير أوي، وكانوا عايزين يبقى زيهم قرآن وشيخ وكده، لإن والده كان بيقرأ في جامع، لكن وقف قصادهم.
