فريدة سيف النصر: بتعرّض للسرقة علني.. بيتفتح عليا بالمفتاح وأنا نايمة
كشفت الفنانة فريدة سيف النصر تعرضها للسرقة من مدبرة منزلها، موضحةً أنها تعرضت للسرقة العديد من المرات ولكنها لم تستطيع اتخاذ أي إجراء ضدها.
وكتبت فريدة سيف النصر، عبر حسابها الشخصي بموقع فيسبوك: لما يكون عندك حد نافعك أوي؛ لأن مش أي حد يحب الكلاب، وأنت كل شوية حاجات بتتاخد بجد مش هزار وحاجات باينه أوي، يعني هدوم مش أي حاجة لازم ينقصوا يتاخدوا على نصين مرتين واختفاء قصري، ترجع ترمي لك نص فتتخيل أنك أنت اللي مادورتش وفجأة اختفاء كامل.
وتابعت: ده بقى غير مفروشات قسمًا بالله أطقم كاملة بمخداتها ونظارات، اكسسوار، جزم، أدوات مطبخ كاملة، والله العظيم ما بقى في حاجة كاملة خالص أول بأول، ومفيش حد تاني بيعمل الحاجات دي خالص عشان تشك في اتنين.
وأضافت: أول ما تغير مكان حاجة بحجة النظام أعرف إنها هتاخدها أو تلخبط الأدراج وكله يتكعبل في كله، أما أنا فأنشغل في حاجات وحاجتي فعلَا تختفي، أعمل إيه؟ أواجها وأنا مبحبش أحرج حد واجرحها؟ ولا أمشيها واحتاس ودوول عائة كاملة نافعاني؟، ولا أروح عندهم على غفلة زي ماقالوا لي.. وطبعًا مش ممكن أبدًا أعمل كده.
واستكملت: بجد زهقت ومحتارة سرقة علني، وطبعًا بيتفتح عليا بالمفتاح وأنا في سابع نومه.. ومع الأسف بدي الأمان لكل الناس.. تعبت.. والله تعبت.. حسبي الله ونعم الوكيل.. قولولي أعمل إيه؟.
آخر أعمال فريدة سيف النصر
مسلسل جعفر العمدة، هو آخر أعمال الفنانة فريدة سيف النصر، والذي عرض ضمن مسلسلات رمضان 2023، وضم مسلسل جعفر العمدة العديد من الفنانين مع محمد رمضان وفريدة سيف النصر، منهم: منة فضالي، إيمان العاصي، هالة صدقي، أحمد داش، أحمد عبد الله، منذر ريحانة، زينة، مي كساب، طارق النهري، مجدي بدر، وغيرهم من الفنانين، ويعد المسلسل من تأليف مهاب طارق وإخراج محمد سامي.
